Tihlabelelo 44:14 - Siswati 1996 Bible

¹⁴ Usente siga emkhatsini wetive, wasenta saba yintfo yekubukelwa phansi.

Tihlabelelo 44:14 ပူးပေါင်းရင်းမြစ်များ

Jeremiya 24:9

‘Ngiyawubenta babe sinengiso nesikhubekiso kuyo yonkhe imibuso yemhlaba, babe lihlazo nesiga, babe yintfo yekuhlekisa nesicalekiso, nome ngukuphi lapho ngibadzingisele khona.

Jobe 16:4

Nami kodvwa empeleni bengingakhuluma kanjalo, kube nine beningimi nami ngingini. Nami bengingakhuluma ngimelane nani ngemavi lamanyenti, ngininikinele inhloko.

2 Emakhosi 19:21

Nali-ke livi lelikhulunywe nguSimakadze lelimelene naye, litsi: “ ‘Indvodzakati yaseSiyoni iyakwedzelela, ikubukela phansi. Indvodzakati yaseJerusalema igencetisa inhloko yayo, nawubaleka.

Isaya 37:22

nali-ke livi lelikhulunywe nguSimakadze lelimelene naye, litsi: “INdvodzakati yaseSiyoni iyakwedzelela, ikubukela phansi. INdvodzakati yaseJerusalema igencetisa inhloko yayo nawubaleka.

Tihlabelelo 109:25

Ngiyinhlekisa yetitsa tami; nabangibona, banikina tinhloko.

Tihlabelelo 22:7

Bonkhe labangibonako bayangiphukuta, badvubula imilomo bancife, banikine netinhloko, batsi:

Jobe 17:6

“Nkulunkulu sewungente inhlekisa kubo bonkhe, ngaba ngumuntfu lokhafulelwa ebusweni.

2 Tikhronike 7:20

ngiyawube sengiyamsiphula Israyeli ngimsuse eveni lami, lebengimuphe lona, ngililahle nalelithempeli lesengilehlukanisele Libito lami. Ngiyakulenta libe yinhlekisa nentfo yekwedzelelwa kuto tonkhe tive.

1 Emakhosi 9:7

Israyeli ngiyakumsusa eveni lengimnike lona, ngililahle nalelithempeli lengilingcwelisele Libito lami. Israyeli sewuyawuba siga nentfo yekuphukutwa, abe yinhlekisa kuto tonkhe tive.

Dutheronomi 28:37

Niyawuba yintfo leshacisa lugogo, nentfo yekwedzelelwa neyekuphukutwa emkhatsini wato tonkhe tive leniyawube nisakatelwe kuto nguSimakadze.

Nehemiya 2:17

Ngakhuluma kubo ngatsi: “Kambe niyayibona yini lenhlupheko lesikuyo ngekutsi iJerusalema ibhidlitwe nemasango ayo ashiswe ngemlilo? Wotani sitekwakha kabusha lubondza lweJerusalema kuze singabi nelihlazo.”

Tihlabelelo 79:4

Sesijike saba yinhlekisa kubomakhelwane betfu, bayasihaya bahlekisa ngatsi kulabakhelene natsi.

Tihlabelelo 123:3

Sihawukele, Simakadze, sihawukele, ngobe sesiphetfwe ngensila, kwaze kwendlula.

Mikha 6:16

Loko kuyakwenteka, ngobe nilandzele imikhuba lemibi yenkhosi Omri nendvodzana yakhe Ahabi. Nichubeke nalandzela imitsetfo yabo, ngaloko-ke ngiyawunibhubhisa; bonkhe bantfu bayawunibukela phansi. Bantfu yonkhe indzawo bayawunedzelela ngendzelelo.”