Tihlabelelo 31:16 - Siswati 1996 Bible

¹⁶ Inceku yakho ayibuve bukhona bakho, ngisindzise ngemusa wakho longapheli.

Tihlabelelo 31:16 ပူးပေါင်းရင်းမြစ်များ

Tihlabelelo 4:6

Labanyenti batsi: “Ngubani longasentela tintfo letinhle?” Simakadze, sikhanyisele ngebukhona bakho.

Tihlabelelo 6:4

Buya, Simakadze, ungephule ekufeni, khulula umphefumulo wami, ngobe umusa wakho awupheli.

Danyela 9:9

Simakadze Nkulunkulu wetfu unemusa nekutsetselela, nome nje sihlubukile kuye;

Tihlabelelo 80:3

Sibuyisele kuwe, Nkulunkulu. Khanyisa buso bakho bumengetele, kuze sisindziswe.

KubaseRoma 9:15

Ngobe watsi kuMosi: “Ngiyawuba nemusa kulowo lenginemusa kuye, ngibe nesihawu kulowo lenginesihawu kuye.”

Tihlabelelo 80:19

Sibuyisele kuwe, Nkulunkulu wemabandla! Khanyisa buso bakho bumengetele, kuze sisindziswe.

Tihlabelelo 80:7

Sibuyisele kuwe, Nkulunkulu wemabandla! Khanyisa buso bakho bumengetele, kuze sisindziswe.

Tihlabelelo 67:1

Shangatsi Nkulunkulu angaba nemusa kitsi, asibusise, akhanyise buso bakhe etikwetfu. Cabanga.

Tihlabelelo 51:1

Ngihawukele, Nkulunkulu, ngekwemusa wakho; yesula tiphambuko tami ngekwesihawu sakho lesikhulu.

Tihlabelelo 30:7

Yebo, Simakadze, wangimisa ngaba njengentsaba lecinile; kodvwa watsi kube ungifulatsele, ngahlaselwa kwesaba.

KubaseRoma 9:23

Loko wakwentela kutsi kwatiwe ingcebo yenkhatimulo yakhe etitjeni temusa wakhe labesavele atilungiselele inkhatimulo yakhe.

Tihlabelelo 106:45

Wabevela, wasikhumbula sivumelwane sakhe, ngenca yemusa wakhe lomkhulu wabuye wabahawukela.

Tihlabelelo 3:8

Insindziso ivela kuwe, Simakadze; sibusiso sakho asibesesiveni sakho! Cabanga.