Tihlabelelo 24:1 - Siswati 1996 Bible

¹ Umhlaba nako konkhe lokukuwo kwaSimakadze, emave kanye nabo bonkhe labahlala kuwo kwakhe,

Tihlabelelo 24:1 ပူးပေါင်းရင်းမြစ်များ

Tihlabelelo 89:11

Emazulu ngewakho, nemhlaba wakho, umhlaba nako konkhe lokukuwo kwadalwa nguwe.

1 kubaseKorinthe 10:26

Ngobe umBhalo utsi: “Umhlaba nako konkhe lokukuwo kweNkhosi.”

1 Tikhronike 29:11

Yebo, Simakadze bukhulu nemandla kwakho. Inkhatimulo nebukhosi kwakho, nebumengemenge bakho; ngobe konkhe lokusezulwini nalokusemhlabeni kwakho. Yebo, Simakadze, umbuso nawo wakho. Wena uphakeme wengamela konkhe.

Jobe 41:11

Ngubani-ke lenginelicala kuye lokungafanela kutsi ngilikhokhele? Konkhe lokungaphansi kwemazulu kwami.

Dutheronomi 10:14

“Emazulu ngewaSimakadze Nkulunkulu wenu, ngisho nemazulu lasetulu kakhulu imbala; nemhlaba nako konkhe lokukuwo kwakhe.

Eksodusi 9:29

Mosi wakhuluma kuye watsi: “Ngitawutsi ngingaphuma la edolobheni, bese ngiphakamisa tandla tami ngithandaze kuSimakadze; lokudvuma kutawukhawula nalesangcotfo siphele, kuze wati kutsi umhlaba ngewaSimakadze.

Eksodusi 19:5

“ ‘Ngako-ke naniyawulilalela livi lami nigcine nesivumelwane sami, niyawuba ligugu lami emkhatsini wato tonkhe tive; ngobe wonkhe umhlaba wami.

Nahume 1:5

Tintsaba tiyatfutfumela embikwakhe, nemagcuma ancibilike aphele. Umhlaba nalabahlala kuwo kuyatfutfumela, nakuchamuka yena.

Tihlabelelo 50:12

“Kube bengilambile, bengingeke nginitjele, ngobe umhlaba nako konkhe lokukuwo kwami.

Danyela 4:25

Utawucoshwa emkhatsini webantfu, uhlale netilwane tesiganga; utawudla tjani njengetinkhomo, unetfwe ngematolo asezulwini. Kutakwendlula tikhatsi letisikhombisa kuwe, uze uvume kutsi Longetulu Kwako Konkhe wengamele imibuso yonkhe yebantfu, uyinika nome ngubani lowo latsandza kumupha yona.

Tihlabelelo 98:7

Akubhodle lwandle, nako konkhe lokukulo. Akubhodle umhlaba nalabahlala kuwo!

1 Tikhronike 29:16

Awu, Simakadze, Nkulunkulu wetfu, konkhe loku lokunyenti lesesikunikelele kwakha lithempeli, silakhele Libito lakho lelingcwele, kuphuma esandleni sakho, futsi konkhe loko kwakho.

2 Tikhronike 25:9

Amasiya wabuta lomuntfu waNkulunkulu, watsi: “Kepha sekutakwentiwa njani ngalesiliva lengemakhilogremu lati-3 400 lesengiyikhokhele lamabutfo ema-Israyeli?” Lomuntfu waNkulunkulu waphendvula watsi: “Simakadze angakunika lokunyenti kakhulu kunaloko.”

Jobe 34:13

Ngubani lowambeka lapha emhlabeni kutsi awubuse? Ngubani lowamenta waba ngumphatsi wemhlaba wonkhe?

Jobe 41:3

Angatincengela yini kutsi umentele umusa, nome akuncenge ngekukhuluma kamnandzi?

Tihlabelelo 50:10

ngobe tonkhe tilwane tesiganga tami, ngisho netinkhomo leteluke emagcumeni latinkhulungwane ngetinkhulungwane,

Tihlabelelo 89:12

Inyakatfo neningizimu kwadalwa nguwe. Intsaba iThabhori nentsaba iHemoni kudvumisa libito lakho ngenjabulo.

Mikha 4:13

Simakadze utsi: “Sive saseJerusalema, hambani nijezise titsa tenu, nitibhule njengemabele! Ngiyakunenta nibe nemandla njengenkunzi lenetimphondvo letiyinsimbi ibe nemasondvo elitfusi. Niyawucotfula tive letinyenti, bese kutsi umcebo letatiwutfole ngendluzula niwuletse kimi, mine Simakadze, iNkhosi yemhlaba wonkhe.”