Tihlabelelo 107:42 - Siswati 1996 Bible

⁴² Labacotfo bayakubona loku bajabule, kodvwa bonkhe lababi bayathula.

Tihlabelelo 107:42 ပူးပေါင်းရင်းမြစ်များ

Jobe 22:19

“Labalungile bajabula, nabakubona kubhujiswa kwabo, labangenacala babaphukuta batsi:

Tihlabelelo 112:10

Lomubi uyawubona loku acanuke, acucudze ematinyo, ahusheke, adzimate aphele. Tinhloso talomubi tiyawushabalala.

Tihlabelelo 52:6

Labacotfo bayawukubona batfutfumele, bamhleke lusulu batsi:

Tihlabelelo 63:11

Kodvwa inkhosi iyawujabula ngaNkulunkulu, bonkhe labafunga ngawe bayawukudvumisa; kepha imilomo yebacambimanga iyawuvalwa.

Eksodusi 11:7

Kodvwa emkhatsini wema-Israyeli kute nasinye sifuyo nome umuntfu lokutawuhhongelwa ngisho yinja, khona utekwati kutsi mine, Simakadze, ngenta umehluko emkhatsini wemaGibhithe nema-Israyeli.’ ”

Taga 10:11

Emavi ebantfu labalungile angumtfombo wekuphila; kodvwa lababi bafihla budlova babo ngekukhuluma kwabo lokunyenti.

Isaya 66:14

Niyawutsi nanikubona loku, inhlitiyo yenu ijabule, niyawuhluma njengetjani; sandla saSimakadze siyawukwatiwa etincekwini takhe, atitfukutselele titsa takhe.

KubaseRoma 3:19

Siyati kutsi konkhe lokusemtsetfweni kucondzene nalabo labangephansi kwawo, khona kutewuvinjwa tonkhe taba tebantfu, nemhlaba wonkhe utfolakale unelicala kuNkulunkulu.