Tihlabelelo 106:38 - Siswati 1996 Bible

³⁸ Bacitsa ingati lete licala, ingati yemadvodzana abo nemadvodzakati abo, labawahlabela tithico taseKhenani; ngaloko bangcolisa lonkhe live ngengati.

Tihlabelelo 106:38 ပူးပေါင်းရင်းမြစ်များ

2 Emakhosi 17:17

Benta imihlatjelo ngemadvodzana nangemadvodzakati abo bawashisa ngemlilo. Baphengula, babhula, batitsengisa ekwenteni bubi emehlweni aSimakadze, bamcunula.

2 Emakhosi 21:16

Ngetulu kwaloko, Manase wacitsa kakhulu ingati yalabangenacala, kangangekutsi titaladi taseJerusalema tatigeleta ingati kusukela ekucaleni kuze kuyewuphuma ekugcineni. Loko wakwengetela ekwenteni sive sakaJuda kutsi sikhonte tithico, wasenta sona kuSimakadze.

2 Emakhosi 24:4

kanye nekucitsa kwakhe ingati leyayingenacala, ngobe phela iJerusalema yayigcwele ingati yebantfu lababengenacala. Simakadze abengakatimiseli kutsetselela Manase ngaloko.

Isaya 1:15

Naniphakamisa tandla tenu niteneka, nithandaza, ngiyakuwafihla emehlo ami kini; nome senenta imithandazo leminyenti kangakanani, ngingeke ngiyilalele. Tandla tenu tigcwele ingati;

Isaya 24:5

Umhlaba ungcoliswe bantfu bawo. Umtsetfo waNkulunkulu abawulalelanga, bephule imiyalo, bephula sivumelwane saphakadze.

Isaya 26:21

Bukani, Simakadze uphumela ngephandle kwendzawo yakhe yekuhlala, utewujezisa tive temhlaba ngenca yetono tato. Umhlaba utawuveta ebaleni yonkhe ingati leyacitsekela kuwo, lababulewe kuwo ungeke usabafihla.

Jeremiya 19:4

Ngobe bangishiyile mine, benta lendzawo yaba yabonkulunkulu betive, bashise imihlatjelo kuyo kubonkulunkulu labangabati, bona kanye naboyisemkhulu, ngisho nemakhosi akaJuda, bagcwalise lendzawo ngengati lengenacala.

Jeremiya 2:34

Etingutjeni takho tekugcoka emadvodza atfola umnyombo wekuphila kwalabamphofu labangenacala, nome ungazange ubabambe bagcekeza. Noko ngetulu kwako konkhe loku,

Hezekeli 16:20

“ ‘Watsatsa emadvodzana nemadvodzakati akho lowangitalela wona, wawenta umhlatjelo wekudla kwetithico. Lobugwadla bakho babungakeneli yini?

Hezekeli 22:3

utsi: ‘Naku lokushiwo yiNkhosi Simakadze, itsi: Awu, wena dolobha lelitiletsela lona imbhubhiso ngekucitsa ingati ekhatsi kulo, liphindze litingcolise ngekwakha tithico,

Hezekeli 7:23

“Lungisani tinketane, ngobe lelive ligcwele kugobhota kwengati, nelidolobha ligcwele budlwangudlwangu.

Levithikusi 18:21

Unganikeli ngemntfwanakho kutsi abe ngumhlatjelo kuMoloki, ngobe kufanele ningalihlambalati libito laNkulunkulu wenu. NginguSimakadze.

Levithikusi 18:25

Ngisho nelive imbala selangcoliseka; ngako ngalijezisela leso sono salo, lelive lavele latihlanta leto takhamiti talo.

Numeri 35:33

Ningalingcolisi lelive lenikulo. Kucitsa ingati kuyalingcolisa live, nenhlawulo yekubuyisana naSimakadze ingeke yentelwe live, lapho kucitselwe khona ingati, ngaphandle kwengati yalowo lobulele.

Dutheronomi 21:9

Niyakutihlangula kanjalo-ke ecaleni lekucitsa ingati lengenacala, njengobe niyakube senente lokulungile emehlweni aSimakadze.”