Tihlabelelo 10:12 - Siswati 1996 Bible

¹² Sukuma, Simakadze! Awu, Nkulunkulu! Phakamisa sandla sakho! Ungamkhohlwa losekuhluphekeni.

Tihlabelelo 10:12 ပူးပေါင်းရင်းမြစ်များ

Mikha 5:9

Israyeli, titsa takho uyakutiphakamisela sandla utincobe, bonkhe labakutondzako bayawubhujiswa.

Tihlabelelo 9:12

Yena ungumenaneli kulabacitsa ingati, uyabakhumbula labahluphekile, akakukhohlwa kukhala kwalabasenhluphekweni.

Isaya 33:10

Simakadze utsi: “Nyalo sengitawusukuma, nyalo sengitawuphakanyiswa, nyalo sengitakwenyuselwa etulu.

Isaya 26:11

Simakadze, sandla sakho siphakamele etulu, kodvwa noko abasiboni. Bente babone inshisekelo yakho ngesive sakho, batewudliwa ngemahloni. Akutsi umlilo lowugcinele titsa takho udle bona ubacedze.

Tihlabelelo 94:2

Phakama, Mehluleli wemhlaba, uphindzisele kubemhlaba labatidlako.

Tihlabelelo 17:7

Khombisa ubonakalise umusa wakho lomangalisako. Wena ungumsindzisi walabo labatsi nababaleka etitseni tabo bete kuwe, njengesiphephelo sabo.

Tihlabelelo 77:9

Nkulunkulu sewukhohliwe yini kuba nemusa? Kungabe kutfukutsela kwakhe kumente wagodla bubele bakhe yini?” Cabanga.

Tihlabelelo 13:1

Hhawu, Simakadze! Utangikhohlwa kuze kube ngunini? Utangifihlela buso bakho kuze kube ngunini?

Tihlabelelo 9:19

Vuka, Simakadze! Ungavumi kutsi umuntfu akwedzelele, betive abehlulelwe embikwakho!

Tihlabelelo 7:6

Simakadze! Sukuma ngentfukutselo yakho. Vuka ungimele elulakeni lwetitsa tami. Nkulunkulu wami, vuka ungisite. Nguwe wedvwa lonesehlulelo lesimsulwa.

Tihlabelelo 3:7

Vuka Simakadze, ngisindzise, Nkulunkulu wami, ngobe tonkhe titsa tami utihlakaye imihlatsi, wephula nematinyo alababi.

Tikhulu 16:28

Samsoni wathandaza kuSimakadze, watsi: “Awu, Somandla, Simakadze, ngikhumbule kube kanye. Nkulunkulu wami, ngicinise kwekugcina. Ngivumele ngihlasele kanye ngitiphindzisele kumaFilisti ngenca yemehlo ami lamabili.”

Tihlabelelo 9:13

Ngihawukele, Simakadze! Bona kuhlupheka kwami lengikubangelwe titsa tami. Nguwe longephula emasangweni ekufa,

Tihlabelelo 17:13

Vuka Simakadze! Hlangabeta lomubi umlahle phansi. Sindzisa umphefumulo wami kuye ngenkemba yakho.

Tihlabelelo 74:19

Ungaliyekeleli lijubantsendzele lakho kutsi lidliwe tilwane tesiganga; ungasikhohlwa siphelane sive sakho lesicindzetelwe.