Taga 4:24 - Siswati 1996 Bible

²⁴ Yisuse kuwe inkhulumo lesigwegwe, inkhulumo lekhohlisako yikhweshisele khashane nawe.

Taga 4:24 ပူးပေါင်းရင်းမြစ်များ

YaJakobe 1:26

Umuntfu locabanga kutsi uyakholwa, abe angalubophi lulwimi lwakhe, uyatikhohlisa enhlitiyweni yakhe, nekukholwa kwalowo muntfu kulite.

Taga 8:8

Konkhe lengikukhulumako kwetsembekile; kute lokugwegwile, kute nalokungemanga.

YaJakobe 1:21

Ngako-ke lahlani yonkhe insila nalokubi lose kukunyenti, nemukele ngekutitfoba livi lelihlanyelwe kini, ngobe linemandla ekusindzisa imiphefumulo yenu.

Taga 8:13

Kwesaba Simakadze kukutondza lokubi. Ngiyakutondza kutigcabha, neluchuku, nekutiphatsa dlephu, nebumbulu.

1 yaPhetro 2:1

Ngako lahlani bonkhe bubi, nebucili bonkhe, nekutentisa, nemona, nako konkhe kuhleba.

Taga 6:12

Sihlangananhloko nome sihlophoyi sitfunguluta yonkhe indzawo sihamba sicala emanga,

1 kuThimothi 6:5

nemsindvo wembango longapheli webantfu labanengcondvo leyonakele, futsi labemukwe neliciniso, bacabange kutsi kwesaba Nkulunkulu yindlela yenzuzo.

KubaseKholose 3:8

Kepha manje kulahleni konkhe: kutfukutsela, nelulaka, nenzondo, nekuhlambalata, nekukhuluma emahlazo.

Hezekeli 18:31

Titsintsitseni kuto tonkhe letono tenu lebesenitentile, nitfole inhlitiyo lensha nemoya lomusha. Nitawufelani nje, ninendlu yaka-Israyeli?

Taga 17:20

Umuntfu lonetifiso letimbi angeke aphumelele; kantsi nemuntfu lonelulwimi lolumphacambili uwela etinhluphekweni.

Jobe 11:14

nawulahla sono lesisesandleni sakho, ungavumi nekutsi bubi buhlale ekhaya lakho,

Taga 4:25

Emehlo akho akacondze ngco embili, ubukisise embikwakho.

Taga 10:32

Umlomo wemuntfu lolungile ukhuluma lokufanele; kodvwa emavi esikhohlakali ayakhubana.

Taga 19:1

Kuncono kuba luphuya wetsembeke kunekutsi ube silima lesicalemanga.

Tihlabelelo 34:14

Khwesha kulokubi wente lokuhle; funisisa kuthula, ukubambisise.