Taga 29:4 - Siswati 1996 Bible

⁴ Inkhosi lebusa ngekulunga, live layo liba nesizotsa; kodvwa lebeka imali embili ibhubhisa live layo.

Taga 29:4 ပူးပေါင်းရင်းမြစ်များ

Taga 29:14

Nangabe inkhosi iwavikela ngekungakhetsi emalungelo ebantfu labamphofu, iyawubusa sikhatsi lesidze.

Mikha 7:3

Bonkhe batingcweti ekwenteni lokubi. Tiphatsimandla nebehluleli bacela kudizelwa. Umuntfu lomkhulu uvele atjele labantfu loko lakufunako, bese babopha lisu.

Danyela 11:20

“Lowo loyawutsatsa sikhundla emvakwakhe uyawukhipha umtselisi, kuze akwati kugcina lomcebo wasebukhosini umile. Naye futsi uyawubhujiswa kungakapheli minyaka mingaki, noko hhayi ngentfukutselo nome emphini.”

Taga 20:8

Inkhosi itsi ingahlala esihlalweni sayo sekwehlulela, ivele imbone zisuka nje lowo lowonile.

Isaya 49:8

Naku lokushiwo nguSimakadze, utsi: “Ngiyawukuphendvula ngesikhatsi sami lengisitsandzako, nangelilanga lensindziso ngiyawukusita. Ngiyawukugcina, ngikwente ube sivumelwane sami nebantfu, kuze kubuyiselwe live, banikwe kabusha emafa labese acitsekile.

Isaya 9:7

Umbuso wakhe uyawukhula, kuthula nenhlalakahle kungeke kuphele. Uyawubusa esihlalweni sebukhosi saDavide, nasembusweni wakhe. Uyakuwumisa awusekele ngekwemtsetfocotfo nangekulunga, kusukela kuleso sikhatsi kuze kube nguphakadze naphakadze. Inshisekelo yaSimakadze longuSomandla iyawukwenta loko.

Taga 16:12

Emakhosi ayakwenyanya kwenta bubi, ngobe umbuso usima ngekwenta lokulungile.

Taga 8:15

Emakhosi abusa kahle ngami, nebabusi bashaya umtsetfo ngami.

Tihlabelelo 99:4

Simakadze, nguwe losimise kulunga kwenkhosi letsandza kubusa ngekungakhetsi muntfu; nguwe lowehlisela lokuhle kuJakobe, waletsa kulunga nebucotfo.

Tihlabelelo 89:14

Kulunga nebucotfo tisekelo tesihlalo sakho sebukhosi, umusa nekwetsembeka kungemavulandlela lahamba embikwakho.

2 Tikhronike 9:8

Akadvunyiswe Simakadze Nkulunkulu wakho lokujabulele wadzimate wakubeka esihlalweni sakhe sebukhosi kutsi ube yinkhosi ubusele Simakadze Nkulunkulu wakho. Ngenca yelutsandvo lwaNkulunkulu wakho ngema-Israyeli nangenshisekelo yakhe yekuwagcina emile kokuphela, ukwente waba yinkhosi yawo, kuze utewubusa ngekungakhetsi nangekulunga.”

1 Emakhosi 2:12

Ngako Solomoni wahlala esihlalweni sebukhosi seyise Davide, kubusa kwakhe kwatinta.

2 Samuweli 8:15

Davide wawabusa onkhe ema-Israyeli, enta loko lokulungile kubo bonkhe bantfu bakhe.

1 Samuweli 13:13

Samuweli wamphendvula watsi: “Lentfo loyentile ibulima. Awukawugcini umyalo waSimakadze Nkulunkulu wakho lakunika wona. Kube bewukwentile loko, ngabe lombuso wakho etikwa-Israyeli uwusimise, wema kokuphela.

Jobe 11:6

Shangatsi angembula kuwe timfihlakalo tekuhlakanipha, ngobe kuhlakanipha kweliciniso kukabili. Yati loku: Kutsi Nkulunkulu akakujezisi ngangekona kwakho.

Taga 14:34

Kulunga kuyasiphakamisa sive; kodvwa sono silihlazo nome ngukusiphi sive.

Taga 16:10

Inkhosi ikhuluma ngeligunya lasezulwini, tehlulelo tayo atikhetsi.