Taga 24:9 - Siswati 1996 Bible

⁹ Tinhloso tesilima tisono, nebantfu bayamtondza umuntfu lowedzelelako.

Taga 24:9 ပူးပေါင်းရင်းမြစ်များ

Matewu 15:19

Ngobe enhlitiyweni kuvela imicabango lemibi, nekubulala, nekuphinga, nebugwadla, nekuba, nekucalemanga, nekuhlambalata.

2 kubaseKorinthe 10:5

Tibhidlita konkhe lokuphakamele kuvimbela kwati Nkulunkulu. Titfumba yonkhe imicabango, tiyente itfobele kulalela Khristu.

Isaya 55:7

Lomubi akayiyekele indlela yakhe lembi, nalokhohlakele ayekele imicabango yakhe lemibi. Akaphendvuke abuyele kuSimakadze, uyawuba nemusa kuye, akabuyele kuNkulunkulu wetfu, ngobe uyawumtsetselela ngenkhululeko.

Imisebenti yebaPhostoli 8:22

Ngako, phendvuka kulelichinga lakho lelibi, uthandaze eNkhosini kutsi ikutsetselele ngekucabanga intfo lembi kangaka.

Matewu 9:4

Kodvwa Jesu ayati imicabango yabo, watsi: “Yini nicabange lokubi etinhlitiyweni tenu?

Taga 29:8

Tedzeleli letingenandzaba nebantfu, tingesusa lutfutfuva kuwo onkhe emadolobha; kodvwa bantfu labahlakaniphile baletsa kuthula nelucolo.

Taga 24:8

Umuntfu lohlose kwenta lokubi uyawuba neludvumo lolubi.

Matewu 5:28

Kepha mine ngitsi kini: Ngulowo nalowo lobuka lomsikati, bese uyamkhanuka, sewuphinge naye enhlitiyweni yakhe.

Jeremiya 4:14

Maye kitsi, ngobe sibhujisiwe. Maye Jerusalema, geza bubi lobusenhlitiyweni yakho, khona utewusindziswa. Uyawuyifukamela kuze kube ngunini lemicabango yakho lemibi?

Genesisi 6:5

Simakadze wabona kutsi kukhulu kona kwemuntfu emhlabeni, nekutsi yonkhe imizindlo nemicabango yenhlitiyo yakhe mibi ngaso sonkhe sikhatsi.

Taga 23:7

Nawukudla lokudla, kuyawukubamba emphinjeni. Ungamuva atsi: “Dlani, unatse,” kantsi inhlitiyo yakhe ayikho lapho.

Taga 22:10

Cosha sedzeleli kutawuphela kuphikisana, nekulwa kanye nenhlamba.

Tihlabelelo 119:113

Ngiyabatondza bantfu labamphacambili, kodvwa umtsetfo wakho ngiyawutsandza.

Genesisi 8:21

Nkulunkulu waliva leliphunga lelinuka lusi lolumnandzi, watsi enhlitiyweni yakhe: “Ngingeke ngiphindze ngiwucalekise umhlabatsi ngenca yemuntfu, ngobe imizindlo yenhlitiyo yemuntfu mibi kwasebusheni bakhe. Ngingeke ngiphindze ngikubhubhise konkhe lokuphilako, njengobe ngentile.

Taga 9:7

Naweluleka sedzeleli, utilandzela inhlamba; nawucondzisa umuntfu lomubi, utawusuke akulimate.

Taga 21:24

Ligama lelitsi “sidvwaladvwala” lisho umuntfu longahloniphi nalotigcabhako, nalongabanaki bantfu.