Taga 18:9 - Siswati 1996 Bible

⁹ Umuntfu lolidlabha emsebentini wakhe ufanana nemuntfu lobhubhisako.

Taga 18:9 ပူးပေါင်းရင်းမြစ်များ

Taga 10:4

Buvila benta umuntfu abe luphuya; kodvwa kukhutsala kwenta umuntfu abe yinjinga.

KumaHebheru 6:12

Sifisa kutsi ningavilaphi, kodvwa nibe njengabo labo labadla lifa letetsembiso ngekukholwa nangekubeketela.

KubaseRoma 12:11

Khutsalani, ningaphelelwa ngumdlandla, nivutse emoyeni, nikhonte iNkhosi.

Matewu 25:26

“Inkhosi yaso yatsi kuso: ‘Wena sisebenti lesibi nalesivilaphako! Bewati kutsi ngivuna lapho ngingakahlanyeli khona, ngiphindze ngibutse lapho ngingakasakati khona.

Taga 28:24

Umuntfu lowebela uyise nenina abe atiyenga atsi: “Akusiso sono loko,” ufanana nesigelekece lesisidlova.

Jobe 30:29

Sengigucuke ngaba ngumnakabomphungutja, ngaba ngumngani wetahhukulu.

Taga 18:8

Emavi enhlebo afanana nemtsamo wekudla lokumnandzi; ehla kamnandzi afinyelele ngekhatsi etibilinini temuntfu.

Taga 19:15

Buvila benta umuntfu adzakwe butfongo, nemuntfu longasebenti uyalamba.