Taga 16:4 - Siswati 1996 Bible

⁴ Konkhe Simakadze lakwentile kunesiphetfo sako, ngisho nalomubi umentele lilanga lakhe lekubhujiswa.

Taga 16:4 ပူးပေါင်းရင်းမြစ်များ

2 yaPhetro 2:9

INkhosi iyakwati kubakhulula ekulingweni labo labesaba Nkulunkulu; kodvwa labangakalungi ibagcinela kujeziswa ngelilanga lekwehlulelwa,

KubaseRoma 9:22

Loku akusiko yini Nkulunkulu labefuna kukwenta? Nome abefuna kubonakalisa lulaka lwakhe nekwatisa emandla akhe, noko watimela ngekubeketela lokukhulu titja telulaka lwakhe letatimiselwe kubhujiswa.

Isaya 43:21

sive lengatibumbela sona, kuze sitewumemetela ludvumo lwami.”

Isaya 43:7

bonkhe lababitwa ngelibito lami, labo lengabadalela ludvumo lwami, yebo, labo lengababumba ngabenta.”

1 yaPhetro 2:8

Kulenye indzawo utsi: “Leli litje leliyawukhuba bantfu, lidvwala lekubawisa.” Nembala bayakhutjwa labo labangalilaleli livi; vele bamiselwe kona loko.

2 yaPhetro 2:3

Ngenca yebudli babo bayawutsengiselana ngani ngemavi ebucili. Kusukela emandvulweni kulahlwa kwabo akulibali, nekubhujiswa kwabo akweteli.

Jobe 21:30

yekutsi lomubi uyacolelwa ngelilanga lenhlekelele nekutsi uyakhululeka ngelilanga lelulaka?

KubaseRoma 11:36

Ngobe konkhe kuvela kuye, kukhona ngaye, kukhonela yena. Akube kuye ludvumo nini nanini! Amen.

Sembulo 4:11

“Ufanele wena, Nkulunkulu, loyiNkhosi yetfu, kutsi wemukele bukhosi, neludvumo, nemandla, ngobe konkhe kwadalwa nguwe. Konkhe kwenteka ngentsandvo yakho, kwadalwa ngayo.”

Genesisi 1:31

Nkulunkulu wakubona konkhe labesakwentile, kutsi kuhle kakhulu. Kwahlwa, kwasa: Kwaba lilanga lesitfupha.

Eksodusi 9:16

Kodvwa noko kuze kube manje ngisakuphephisile, khona ngitekukhombisa emandla ami, nekutsi libito lami litewudvunyiswa emhlabeni wonkhe.

Taga 16:5

Umuntfu lotiphakamisako usinengiso kuSimakadze; nome kanjani uyawujeziswa.

Umshumayeli 3:11

Konkhe ukwente kwalungela sikhatsi sako. Uphindze wabeka liphakadze etinhlitiyweni tebantfu; noko abakhoni kuyicondza imisebenti yaNkulunkulu kusukela ekucaleni kwayo kuze kube ngusekugcineni.

Jobe 15:23

Uhamba azulazule afunana nekudla. Uyati kutsi lilanga lebumnyama selisondzele.