Taga 16:15 - Siswati 1996 Bible

¹⁵ Inkhosi nayimoyitela, kusho imphilo lenhle; sisa sayo sinjengemafu emvula yasehlobo.

Taga 16:15 ပူးပေါင်းရင်းမြစ်များ

Tihlabelelo 72:6

Shangatsi inkhosi ungayenta ibe njengemvula nayehlela emadlelweni, nanjengemvula nayinisela umhlabatsi.

Imisebenti yebaPhostoli 2:28

Ungikhombisile tindlela letingiholela ekuphileni, ngebukhona bakho uyawungigcwalisa ngekujabula.’

Hoseya 6:3

Asimhloniphe Simakadze, sitimisele nekumnaka. Impela, njengobe kucinisekile kutsi lilanga liphuma ekuseni, kanjalo naye uyachamuka ete kitsi njengetimvula tasebusika, nanjengetimvula tasentfwasahlobo letinisela umhlaba.”

Taga 19:12

Intfukutselo yenkhosi ifanana nekubhodla kwelibhubesi; kodvwa umusa wayo ufanana nematfonsi emvula.

Tihlabelelo 30:5

Ngobe kutfukutsela kwakhe kuba kwesikhashana, kodvwa umusa wakhe uhlala ukhona njalo umuntfu asaphila. Tinyembeti tingaba khona ebusuku, kodvwa ngakusasa ekuseni kube kujabula.

Tihlabelelo 21:6

Wayenta yabusiseka kakhulu kuze kube phakadze, uyitfokotisa ngenjabulo ebusweni bakho.

Tihlabelelo 4:6

Labanyenti batsi: “Ngubani longasentela tintfo letinhle?” Simakadze, sikhanyisele ngebukhona bakho.

Zakhariya 10:1

Celani imvula kuSimakadze nakungusentfwasahlobo; nguSimakadze lowenta emafu lanemvula, nguye lowehlisela tihlambi temvula kubantfwana bebantfu, aphe netitselo tesiganga kubo bonkhe bantfu.

Taga 16:14

Kutfukutsela kwenkhosi kunjengesitfunywa sekufa; kodvwa umuntfu lohlakaniphile uyayidvudvuta inhlitiyo yayo.

Taga 29:26

Bantfu labanyenti bafunana nekutsandvwa ngumbusi; kodvwa imphatfo lengakhetsi muntfu itfolakala kuSimakadze kuphela.