Ruthe 4:12 - Siswati 1996 Bible

¹² Shangatsi bantfwana lotawubaphiwa nguSimakadze ngalomakoti bangenta umndeni wakho ufanane nemndeni waPheresi Thamari lowamtalela Juda.”

Ruthe 4:12 ပူးပေါင်းရင်းမြစ်များ

Genesisi 38:29

Kodvwa lawufinyeta lomkhono walo, kwase kuphuma umnakabo kucala. Lombelekisi wase utsi: “Sewuphuma ngekufohla!” Ngako-ke wametsa libito watsi nguPheresi.

1 Tikhronike 2:4

Thamari, malukatana waJuda, wamtalela boPheresi naZera. Juda abenemadvodzana lasihlanu asawonkhe.

1 Samuweli 2:20

Eli abebabusisa bo-Elkhana nemkakhe, atsi: “Shangatsi Simakadze angakupha bantfwana ngalomfati lona, kuze bavale sikhala salona lamthandazela wase umnikela kuSimakadze.” Babeyaye bese bayancandzeka emvakwaloko, babuyela ekhaya labo.

Matewu 1:3

Juda watala boPheresi naZara, unina wabo bekunguThamari; Pheresi watala Hesroni; Hesroni watala Ramu;

Genesisi 46:12

Emadvodzana aJuda bekubo-Era, na-Onani, naShela, naPheresi, naZera; kodvwa Era na-Onani bafela eveni laseKhenani. Emadvodzana aPheresi bekubo-Hesroni naHamule.

Ruthe 4:18

Nati-ke titukulwane taPheresi: Pheresi watala Hesroni;

Malakhi 2:15

Simakadze akabenti baba munye yini? Enyameni nasemoyeni bakhe. Bamunye leni? Ngobe abefuna bantfwana labesaba Nkulunkulu. Ngako tilindze wena emoyeni wakho, wetsembeke kumfati webusha bakho.