Numeri 32:15 - Siswati 1996 Bible

¹⁵ Nanijika ningamlandzeli, utawuphindze asishiye sonkhe futsi lesive ehlane, nine-ke nitawuba sisusa sekubhujiswa kwaso.”

Numeri 32:15 ပူးပေါင်းရင်းမြစ်များ

2 Tikhronike 15:2

Wahamba waya kuyawuhlangana nenkhosi Asa, wafike kuye watsi: “Lalela lapha kimi, nkhosi Asa, nani nonkhe nine bakaJuda nebakaBhenjamini. Simakadze unani, uma ninaye. Nanimfuna, nitamtfola, kodvwa nanimlahla, naye uyakunilahla.

KubaseRoma 14:15

Nangabe umzalwane wakho uyakhubeka ngaloko lokudlako, anisahambisani naye ngelutsandvo. Ngaloko lokudlako ungambulali lowo muntfu lowafelwa nguKhristu.

Matewu 18:7

Maye kulomhlaba ngekutsi kukhona tikhubekiso, ngobe tikhubekiso kufanele kutsi tibe khona, kodvwa maye kulowo muntfu letita ngaye!

Jeremiya 38:23

“Onkhe emakhosikati akho nebantfwabakho bayawuyiswa kubaseBhabhulona, nawe cobo lwakho ngeke uphunyule etandleni tabo, kodvwa uyawubanjwa yinkhosi yaseBhabhulona, nalelidolobha liyawubhujiswa ngemlilo.”

Numeri 32:16

Beta kuye, bafike batsi: “Sifuna kwakhela tifuyo tetfu tibaya, sakhe nemadolobha lapha, kuze kutewuhlala khona bafati betfu nebantfwabetfu.

Joshuwa 22:15

Lamadvodza efika eGileyadi, esiveni sakaRubeni, nesakaGadi kanye nasencenyeni yesive sakaManase, akhuluma atsi: