Numeri 3:47 - Siswati 1996 Bible

⁴⁷ Uyawukhipha emagremu esiliva langaba ngema-55 litubulo lilinye njengekwesimiso lesisemtsetfweni, endzaweni lengcwele, lesingemagremu langaba li-12.

Numeri 3:47 ပူးပေါင်းရင်းမြစ်များ

Levithikusi 27:6

Nangabe lomuntfu unenyanga atelwe kuya eminyakeni lesihlanu budzala, inhlawulo yakhe nakangulomdvuna, kuyawuba tinhlavu tesiliva letingaba sihlanu, kantsi nakamsikati, kuyawuba tinhlavu tesiliva letingaba tintsatfu.

Eksodusi 30:13

Ngulowo nalowo muntfu lowewelela kulabo lesebabaliwe kufanele akhiphe imali lekalwe nalejutjwe ngalokusemtsetfweni, lowo mnikelo awukhiphe kimi.

Numeri 18:16

Kufanele kutsi angaba nenyanga budzala, bese niyawahlenga ngaleyo ntsengo yesihlengo setinhlavu tesiliva letisihlanu ngekwesilinganiso lesisemtsetfweni.

Levithikusi 27:25

“ ‘Yonkhe inhlawulo iyawubasemtsetfweni, kusetjentiswe silinganiso sasendzaweni lengcwele.

Hezekeli 45:12

Tisindvo tenu tifanele tibe kanje: emagera langema-20 alingane nelishekheli, emashekheli langema-60 alingane nemina.’ ”

Numeri 3:50

Kuwo onkhe ematubulo ema-Israyeli wabutsa isiliva leyayingaba ngemakhilogremu lali-15 nemagremu langema-500 njengesimiso lesisemtsetfweni endzaweni lengcwele.

Eksodusi 38:24

Igolide yonkhe leyayisetjentiswe ekwakheni lithende lelingcwele leyayinikelwe, yayinesisindvo lesasingemakhilogremu labengaba yinkhulungwane, ngesikalo lesisemtsetfweni.

Levithikusi 27:3

lomdvuna loneminyaka lesemkhatsini kwalengema-20 kuya kulengema-60 budzala, kuyawuba tinhlavu tesiliva letingaba ngema-50 ngekwesilinganiso lesisemtsetfweni.

Numeri 3:48

Lemali yenhlawulo uboyinika Aroni nemadvodzana akhe.”

Numeri 7:13

Umnikelo wakhe kwakulipulede lesiliva lelalinesisindvo lesasingaba yikhilogremu nencenye, nendishi yesiliva yekunyenyeta lenesisindvo lesasingemagremu labengaba ngema-800, kokubili kwaya ngekwesilinganiso lesisemtsetfweni, kokubili kwakugcwele fulaha abhicwe nemafutsa, kutsi kutewuba ngumnikelo walokutinhlavu;