Numeri 23:17 - Siswati 1996 Bible

¹⁷ Ngako-ke wancandzeka waya kuye, wamkhandza eceleni kwemnikelo wakhe, eme nebaholi bakaMowabi. Bhalaki wambuta watsi: “Utsiteni Simakadze?”

Numeri 23:17 ပူးပေါင်းရင်းမြစ်များ

Jeremiya 37:17

Inkhosi Sedekiya wase uyatfumela kutsi akalandvwe aletfwe kuye esigodlweni, lapho wafike wambuta ngasense, watsi: “Likhona yini livi lelivela kuSimakadze?” Jeremiya waphendvula watsi: “Yebo, likhona, litsi: Wena utawuniketelwa enkhosini yaseBhabhulona.”

Numeri 23:16

Simakadze wahlangana naBhalamu, wamtjela emavi lekufanele awakhulume, watsi: “Ncandzeka, uye kuBhalaki uyewumtjela lelivi.”

Numeri 23:18

Bhalamu wakhuluma umlayeto wakhe, watsi: “Sukuma, Bhalaki, ulalele, ngive kahle wena, msa waSiphori.

Numeri 23:26

Bhalamu waphendvula, watsi: “Angikakutjeli yini kutsi kufanele ngikhulume loko lengikutjelwa nguSimakadze?”

1 Samuweli 3:17

Eli wabuta watsi: “Yini lena layishito kuwe? Ungangifihleli. Shangatsi Nkulunkulu angakujezisa kakhulu, nakwenteka ungifihlela nome yini lakutjele kona.”