Numeri 20:3 - Siswati 1996 Bible

³ Balwa naMosi batsi: “Kube mane savele safa kanye nebanaketfu ngesikhatsi bafela embikwaSimakadze.

Numeri 20:3 ပူးပေါင်းရင်းမြစ်များ

Tihlabelelo 106:33

ngobe baphambana naMoya waNkulunkulu, naMosi waze wakhuluma kubo ngemawala.

Tihlabelelo 78:19

Bakhuluma kabi ngaNkulunkulu batsi: “Nkulunkulu angasondla yini lapha ehlane?

Eksodusi 17:2

Ngako-ke sive sasola Mosi satsi: “Siphe emanti ekunatsa.” Mosi wabaphendvula watsi: “Ningilwiselani? Nimlingelani Simakadze?”

Sililo 4:9

Labo lababulawa ngenkemba bancono kunalabo labafa babulawa yindlala; badvutjutwe yindlala, baze baguga baphela ngenca yekweswela kudla emasimini.

Numeri 11:1

Sive sacala sasola Simakadze ngenca yetinhlupheko taso; watsi kube asive, lulaka lwakhe lwabavutsela. Watfumela umlilo lowavutsa emkhatsini wabo, waze washisa nalababesemaphetselweni enkambu.

Numeri 14:3

Simakadze usiletseleni kulelive kutsi sitewubulawa bese kutfunjwa bafati betfu nebantfwabetfu? Kungete kwaba ncono yini kutsi sincandzeke sibuyele eGibhithe?”

Numeri 16:49

Sibalo salabo lababulawa nguleso sifo besiti-14 700, ngaphandle kwalabo labafa ngenca yaKhora.