Numeri 14:9 - Siswati 1996 Bible

⁹ Musani kuhlubuka Simakadze, futsi ningabesabi nalabantfu balelive, ngobe sitabagwinya. Sivikelo sabo sesihambile, kodvwa Simakadze unatsi. Ningabesabi.”

Numeri 14:9 ပူးပေါင်းရင်းမြစ်များ

Dutheronomi 7:18

Cha, ningatesabi, khumbulani kahle kutsi Simakadze Nkulunkulu wenu wentani kuFaro naseveni lonkhe laseGibhithe.

KubaseRoma 8:31

Siyawutsini-ke ngaloku? Nangabe Nkulunkulu angakitsi ngubani longamelana natsi?

Dutheronomi 31:6

Cinani nime, nibe nesibindzi. Ningatesabi futsi ningatfutfumeli ngato, ngobe Simakadze Nkulunkulu wenu uhamba nani; angeke anishiye, futsi angeke aniyekele.”

Tihlabelelo 74:14

Nguwe lowapitjita tinhloko taLeviyathani, wamenta waba kudla kwetidalwa tasehlane.

2 Tikhronike 32:8

Kuye kunemkhono wenyama, kodvwa kitsi kunaSimakadze Nkulunkulu wetfu lotasisita atilwe letimphi tetfu.” Bantfu bema sibindzi ngaloko Hezekiya, inkhosi yakaJuda, lakusho kubo.

2 Tikhronike 20:17

Singeke sibe khona sidzingo sekuyilwa lemphi. Tihleleni, nime ngetindzawo tenu; manini nicine nitewubona kusindzisa kwaSimakadze, nine bakaJuda nebaseJerusalema. Ningesabi, futsi ningapheli emandla. Kusasa loku lokusako, phumani niyewubhekana nabo, naSimakadze utawuba nani.’ ”

Dutheronomi 31:8

Simakadze, yena matfupha, uhamba embikwakho, futsi uyawuba nawe; angeke akushiye futsi angeke akuyekele. Ungesabi; ungalahlekelwa litsemba.”

Numeri 24:8

Nkulunkulu wabakhipha eveni laseGibhithe, unjengenyatsi lenemandla kubo. Bayakudla tive letititsa tabo, bephule ematsambo ato abe timvutfu, bagwaze leto tive ngetikhali.

Joshuwa 1:5

Kute namunye loyawukhona kumelana nawe, tonkhe tinsuku tekuphila kwakho. Ngiyakuba nawe, njengobe nganginaye naMosi. Ngingeke ngikushiye, futsi ngingeke ngikulahle.

Tihlabelelo 121:5

Simakadze ngumlondvoloti wakho, ungumtfunti wakho esandleni sakho sekudla.

Tihlabelelo 14:4

Pho, bate yini lwati bonkhe labantfu labenta lokubi? Badla emandla ebantfu bami shangatsi badla sinkhwa, bangathandazi kuSomandla.

Dutheronomi 9:7

“Khumbulani loku ningakhohlwa kutsi Simakadze Nkulunkulu wenu namcansula kanjani ehlane. Kusukela ngelilanga lenaphuma ngalo eGibhithe kuze kube ngulesikhatsi lenifike ngaso lapha seloku animlaleli Simakadze.

Dutheronomi 1:26

“Kodvwa noko nabe seniyala kukhuphuka; nahlubuka, nangawulaleli umyalo waSimakadze Nkulunkulu wenu.

Danyela 9:9

Simakadze Nkulunkulu wetfu unemusa nekutsetselela, nome nje sihlubukile kuye;

Dutheronomi 32:42

Imicibisholo yami ngiyakuyenta idzakwe yingati, ngesikhatsi inkemba yami idla inyama, ingati yalabagwaziwe nalabatfunjiwe, tinhloko tebaholi betitsa.’ ”

Dutheronomi 7:21

Ningabesabi, ngobe Simakadze Nkulunkulu wenu, losemkhatsini wenu, unguNkulunkulu lomkhulu nalowesabekako.

Dutheronomi 1:21

Libukeni-ke lelive leniliphiwe nguSimakadze Nkulunkulu wenu. Khuphukelani kulo niyekulidla lelo live, njengobe natjelwa nguSimakadze Nkulunkulu waboyihlomkhulu. Ningesabi, ningalahlekelwa nalitsemba.’

KubaseFiliphi 1:27

Kuphela hambani ngalokufanele liVangeli laKhristu, kuze kutsi nome ngita nginibona, nome ngingekho, ngive tindzaba letimnandzi ngani kutsi nime nicinile emoyeni munye, kukholwa liVangeli nikulwele ngebunye.

Matewu 1:23

“Bheka, intfombi iyawukhulelwa itale indvodzana, libito layo kuyawutsiwa ngu-Imanuweli,” lokusho kutsi: “Nkulunkulu unatsi.”

Jeremiya 48:45

“Esitfuntini saseHeshboni lababalekako bayema nje bangasitakali, ngobe kubhedvuke umlilo eHeshboni, lilangabi lelikhulu ligqamuke ekhatsi eSihoni, lashisa emabunti akaMowabi, netinkhakhayi talabatigabatisako babange umsindvo.

Isaya 63:10

Noko, bamhlubuka, badzabukisa Moya wakhe Longcwele. Ngako-ke wagucuka waba sitsa sabo, yena cobo lwakhe walwa nabo.

Isaya 41:14

Ungesabi, wena mphetfu, Jakobe, awu, mntfwanyana, Israyeli, ngobe mine matfupha ngitakusita,” kusho Simakadze, uMhlengi wakho, Longcwele waka-Israyeli.

Isaya 41:10

Ngako-ke ungesabi, ngobe mine nginawe; ungajabhi, ngobe mine nginguNkulunkulu wakho. Ngitakucinisa ngikusite, ngiyakukubamba ngesandla sami sekudla lesilungile.

Isaya 32:2

Ngulowo nalowo wabo uyawufanana nesiphephelo emoyeni, abe ngumkhoselisi kuso sivunguvungu, abe njengemifula yemanti ehlane, afanane nelitfunti lelidvwala lelikhulu eveni lelomele emanti.

Isaya 1:2

Lalelani, nine mazulu! Lalela nawe, mhlaba! Ngobe Simakadze sewukhulume, watsi: “Bantfwabami ngibondlile ngabakhulisa, kodvwa sebangihlamukile.

Tihlabelelo 91:1

Lowo lohlala ekusitsekeni kuLosetikwako Konkhe ukhosele ekhwapheni laSomandla.

Tihlabelelo 46:11

Nkulunkulu Somandla unatsi, Nkulunkulu waJakobe usiphephelo setfu. Cabanga.

Tihlabelelo 46:7

Nkulunkulu Somandla unatsi, Nkulunkulu waJakobe usiphephelo setfu. Cabanga.

2 Tikhronike 15:2

Wahamba waya kuyawuhlangana nenkhosi Asa, wafike kuye watsi: “Lalela lapha kimi, nkhosi Asa, nani nonkhe nine bakaJuda nebakaBhenjamini. Simakadze unani, uma ninaye. Nanimfuna, nitamtfola, kodvwa nanimlahla, naye uyakunilahla.

2 Tikhronike 13:12

Nkulunkulu unatsi, yena ungumholi wetfu. Baphristi bakhe labaphetse emacilongo abo batakuwashaya, khona sitekulwa nani. Madvodza aka-Israyeli, ningalwi naSimakadze, Nkulunkulu waboyihlo, ngobe ningeke niphumelele.”

Tikhulu 1:22

Umndeni wakaJosefa nawo wahlasela iBetheli, kantsi futsi naSimakadze abenawo.

Eksodusi 33:16

Nawungahambi natsi, kutawubonakala kanjani kutsi ngizuze umusa emehlweni akho, mine nalesive sakho? Kuhamba kwakho nami nalesive sakho ngiko lokufanele kusente sehluke emkhatsini wetive tonkhe temhlaba.”

Genesisi 48:21

Israyeli wakhuluma kuJosefa watsi: “Manje sengitawufa, kodvwa Nkulunkulu utawuba nani, aphindze anibuyisele eveni labokhokho benu.

Danyela 9:5

sonile kuwe senta lokubi. Besibabi kakhulu, futsi sakuvukela; siphambukile sashiya imiyalo yakho nemitsetfo yakho.

Dutheronomi 1:29

“Ngase ngitsi kini: ‘Ningesabi; nabo ningabesabi.

Nehemiya 4:14

Ngatsi nangibuka, ngabona kutsi bantfu bakhatsatekile, ngako ngakhuluma kubo, nakubaholi babo netindvuna tabo, ngatsi: “Ningatesabi letitsa tenu. Khumbulani kutsi Simakadze mkhulu kangakanani nekutsi futsi wesabeka kangakanani. Nine nje kufanele nilwe nivikele bantfu besive sakini, nebantfwabenu, nebafati benu kanye nemakhaya enu.”

Jeremiya 1:19

Bayakulwa nawe, kodvwa bangeke bakwehlule, ngobe mine nginawe, futsi ngiyawukwelekelela,” kusho Simakadze.

Jeremiya 42:11

Ningayesabi inkhosi yaseBhabhulona leseniyesaba nyalo. Simakadze utsi: Ningayesabi, ngobe nginani, futsi ngitanisindzisa nginikhulule etandleni tayo.

Eksodusi 14:13

Mosi wabaphendvula watsi: “Ningesabi, manini sibindzi, nicine, nitawubona kusindzisa kwaSimakadze latanentela kona lamuhla. LamaGibhithe leniwabonako lamuhla aniseyiwuphindze niwabone futsi.

Numeri 13:30

Khalebi wababindzisa bonkhe bantfu embikwaMosi, wakhuluma watsi: “Asikhuphuke siyewulidla lelive, ngobe vele singakhona kulincoba.”

Numeri 17:6

Ngako Mosi wakhuluma kuma-Israyeli, nebaholi bawo bamnika letindvuku letili-12, leyo naleyo ndvuku imele umholi wesive, nendvuku ya-Aroni yayisemkhatsini wato.

Numeri 20:2

Kwakute emanti kuleyo ndzawo, ngako bantfu babutsana ndzawonye basola boMosi na-Aroni.

Joshuwa 14:12

Manje nginike nali live letintsaba, Simakadze langetsembisa lona ngalelo langa. Nawe cobo lwakho wativela ngaleso sikhatsi kutsi ema-Anaki abekhona lapho nekutsi emadolobha awo abemakhulu futsi atinqaba, kodvwa, ngekusitwa nguSimakadze, ngitawadvungulula ngiwacoshe njengobe Simakadze asho.”

Tihlabelelo 46:8

Wotani nitewubona imisebenti yaSimakadze, emhlabeni wente tintfo letimangalisako.

Tihlabelelo 106:24

Baledzelela live lelihle, abazange balikholwe livi laSimakadze.