Numeri 1:33 - Siswati 1996 Bible

³³ Bunyenti besive saka-Efrayimu baba ti-40 500.

Numeri 1:33 ပူးပေါင်းရင်းမြစ်များ

Genesisi 48:19

Kodvwa uyise wala, watsi: “Ngiyati, ndvodzana yami, ngiyati. Naye utaba sive, naye futsi utaba mkhulu. Kodvwa nome kunjalo, lona lomncane utawuba mkhulu kunaye, netitukulwane takhe tiyawuba tive letinkhulu.”

Genesisi 48:5

Wachubeka watsi: “Lamadvodzana akho lamabili lowawatalelwa lapha eveni laseGibhithe ngisengakafiki mine, nguwona awami. Efrayimu naManase batawuba bami, njengobe Rubeni naSimeyoni babami.

Numeri 1:32

Kumadvodzana akaJosefa: Titukulwane taka-Efrayimu tema kanje: Onkhe emadvodza kusukela kulabesaneminyaka lengema-20 kuya etulu, labesangalungela kuya emphini abhaliswa ngemabito awo, ngayinye ngayinye, njengekutalana kwawo, lusendvo ngelusendvo nangemindeni yawo.

Numeri 1:34

Titukulwane takaManase tema kanje: Onkhe emadvodza kusukela kulabesaneminyaka lengema-20 kuya etulu, labesangalungela kuya emphini abhaliswa ngemabito awo, ngayinye ngayinye, njengekutalana kwawo, lusendvo ngelusendvo nangemindeni yawo.

Numeri 2:19

Sicheme saso saba ti-40 500.

Numeri 26:37

Leto-ke bekutinsendvo taka-Efrayimu. Lababalwa babeti-32 500. Leti-ke ngito titukulwane takaJosefa lusendvo ngelusendvo.

Dutheronomi 33:17

Litubulo lakhe lenkunzi linebukhosi, timphondvo takhe tenyatsi. Ngaletimphondvo uyawudvungulula tonkhe tive kanyekanye, kuze kufike emaphetselweni emhlaba. Banjalo baka-Efrayimu, batinkhulungwane tetinkhulungwane. Banjalo nabakaManase, batinkhulungwane.”