Nehemiya 9:16 - Siswati 1996 Bible

¹⁶ “Kodvwa bona bokhokho betfu bakudvwalela, baba netinhloko letilukhuni, bangete bayilalela imiyalo yakho.

Nehemiya 9:16 ပူးပေါင်းရင်းမြစ်များ

Nehemiya 9:29

“Wabeluleka kutsi ababuyele emtsetfweni wakho, kodvwa bona bakudvwalela, bangete bayihlonipha imiyalo yakho. Bona ngekuphambana netimiso takho lekufanele umuntfu aphile ngato nangabe atihlonipha. Bakufulatsela ngenkhani, baba netinhlitiyo letilukhuni, bala kulalela wena.

KumaHebheru 3:15

UmBhalo usitjela utsi: “Lamuhla, naniliva livi lakhe, ningatenti tibe lukhuni tinhlitiyo tenu, njengalokwa nimelana naye.”

KubaseRoma 2:5

Kodvwa ngebulukhuni nangenkhani yekungaphendvuki kwenhlitiyo yakho, utibekela lulaka lube lukhulu ngelilanga lelulaka. Ngalelo langa iyawukhanya indlela Nkulunkulu lehlulela ngayo kutsi imsulwa.

Nehemiya 9:10

Watfumela tibonakaliso letimangalisako netimanga, wamelana naFaro, nato tonkhe tiphatsimandla takhe, nabo bonkhe bantfu baseveni lakhe, ngobe wena wawati kutsi emaGibhithe abebaphetse kabuhlungu kangakanani. Watentela ligama emhlabeni, lelisolo lahlala kuze kube ngulamuhla.

Dutheronomi 31:27

Ngobe ngiyanati kutsi nibantfu labatsandza kangakanani kuhlubuka nekucinisa tinhloko. Njengobe benitsandza kangaka kuhlubuka Simakadze ngisaphila kanye nani, niyakumhlubuka kakhulu kangakanani-ke nase ngifile.

KumaHebheru 3:13

Kodvwa khutsatanani onkhe emalanga yingci nakusatsiwa: “Lamuhla”, kutsi kubete lowentiwa inhlitiyo yakhe ibe lukhuni ngekuyengwa sono.

Imisebenti yebaPhostoli 7:51

“Maye, ninenkhani! Maye, anikholwa etinhlitiyweni tenu! Maye, nitihhulu ekuveni livi laNkulunkulu! Nifute bokhokho benu, nani niphikisana naMoya Longcwele.

Jeremiya 19:15

“Naku lokushiwo nguSimakadze longuSomandla, Nkulunkulu wema-Israyeli, utsi: ‘Lalelani! Ngitatehlisela kulelidolobha nakuto tonkhe tabelo talo, tonkhe tehlakalo lengitimemetelele ngabo, kumelana nabo, ngobe babe nenkhani, bangete bawalalela emavi ami.’ ”

Jeremiya 2:31

“Nine balesitukulwane, zindlani ngelivi laSimakadze lelitsi: Mine bengilihlane yini ku-Israyeli, nome-ke live lebumnyama lobukhulu? Sive sami sisholani kutsi: ‘Sikhululekile kutsi singajangaza, singeke siphindze site kuwe’?

Isaya 63:10

Noko, bamhlubuka, badzabukisa Moya wakhe Longcwele. Ngako-ke wagucuka waba sitsa sabo, yena cobo lwakhe walwa nabo.

Isaya 48:18

Kube mane naniyilalela imiyalo yami, kuthula nenhlalakahle yenu ngabe kunjengemifula, kulunga kwenu kube njengemagagasi elwandle.

Isaya 48:4

Ngobe nganginati kutsi ninenkhani kangakanani. Imisipha yetintsamo tenu kutinsimbi, nemabunti enu kungewelitfusi.

Taga 29:1

Umuntfu lotsi nakelulekwa acinise inhloko, uyakufohlotwa masinyane.

Tihlabelelo 106:6

Sonile tsine kanye nabokhokho betfu, sente lokubi, sonakele.

Tihlabelelo 81:8

“Lalelani, sive sami, nginiyale: Awu, ma-Israyeli! Shangatsi ngabe niyangilalela.

2 Tikhronike 36:13

Sedekiya-ke wayivukela inkhosi Nebukhadnezari lowamfungisa ngelibito laNkulunkulu. Wacinisa inhloko nenhlitiyo yakhe, wala kuphendvukela kuSimakadze, Nkulunkulu wema-Israyeli.

2 Tikhronike 30:8

Ningabi netinhloko letilukhuni njengaboyihlo, kodvwa titfobeni kuSimakadze. Wotani endzaweni lengcwele, layingcwelise kuze kube phakadze. Khontani Simakadze Nkulunkulu wenu, khona intfukutselo yakhe leyesabekako ingetikunehlela.

2 Emakhosi 17:14

Kodvwa abazange balalele, bacinisa tinhloko njengaboyise, labangazange betsembele kuSimakadze Nkulunkulu wabo.

Dutheronomi 32:15

“Jeshuruni wazimuka wakhahlela; wesutsa kudla, wesuleka, watamasa. Wamfulatsela Nkulunkulu lowamenta, walala Lidvwala lelinguMsindzisi wakhe.

Dutheronomi 9:27

Khumbula tinceku takho bo-Abrahama, na-Isaka, naJakobe. Ungabunaki buhlongandlebe balesive, nebubi baso, nesono saso.

Dutheronomi 9:13

“Simakadze wakhuluma kimi, watsi: ‘Sengibabonile labantfu kutsi basive lesinenhloko lelukhuni ngempela!

Dutheronomi 9:6

Condzisisani-ke kutsi akukayi ngekulunga kwenu kutsi Simakadze Nkulunkulu wenu aniphe lelive lelihle kutsi nilidle libe lenu, ngobe nine nisive lesinenhloko lelukhuni.

Dutheronomi 5:29

Yebo, shangatsi tinhlitiyo tabo tingatsambela ekungesabeni, bagcine imiyalo yami ngaso sonkhe sikhatsi, khona kutawubahambela kahle bona nebantfwababo kuze kube phakadze!

Eksodusi 32:9

Simakadze wachubeka wakhuluma kuMosi watsi: “Sengibabonile labantfu kutsi basive lesinentsamo lelukhuni.

Eksodusi 15:26

Wakhuluma kubo watsi: “Naningilalela, nigcina livi lami, mine Nkulunkulu wenu, nente loko lokulungile, nigcine nemiyalo yami, ngingeke nginijezise ngaletifo lengatehlisela etikwemaGibhithe. Mine nginguSimakadze longumphilisi wenu.”

Jeremiya 7:26

Kodvwa abazange bangilalele, abanginakanga nekunginaka. Bacinisa tinhloko tabo, benta tono letinyenti kakhulu kunaletentiwa boyisemkhulu.

Hezekeli 5:6

Noko ngebubi bayo iyihlubukile imitsetfo yami netimiso tami, kwendlula tive nemave layitungeletile. Iyilahlile imitsetfo yami, yangete yatilandzela netimiso tami.

2 Tikhronike 29:6

Bobabe bebangaketsembeki; benta lokubi emehlweni aSimakadze Nkulunkulu wetfu, bamfulatsela. Besusa buso babo endzaweni lapho kuhlala khona Simakadze, bamfulatsela.