Nehemiya 2:14 - Siswati 1996 Bible

¹⁴ Ngangisuka lapho ngicondze ngaseSangweni Lemtfombo nangaseChibini Lenkhosi, noko lembongolo lengangiyigibele yehluleka kutfola indlela ngenca yemfuhlumfuhlu leyayivimbe indlela,

Nehemiya 2:14 ပူးပေါင်းရင်းမြစ်များ

Nehemiya 3:15

LiSango Lemtfombo lavuswa nguShalumi, umsa waKholi Hoze, umbusi wesifundza saseMispa, walivusa walifulela, wafaka tivalo talo kanye nemavelevele alo nemishudvo yalo endzaweni yayo. Waphindze wavusa lubondza ngaseChibini laseSilowama ngasengadzeni yenkhosi, kuze kuyewufika ngasetitebhisini letewuka tisuka eDolobheni laDavide.

2 Emakhosi 20:20

Leminye imininingwane ngekubusa kwaHezekiya, nako konkhe kuphumelela kwakhe, nekutsi walakha njani lichibi nemsele labeletsa ngawo emanti ekhatsi edolobheni, kubhaliwe encwadzini yemilandvo yemakhosi akaJuda.

2 Tikhronike 32:30

NguHezekiya lona lowavimba siyalu lesingenhla saseGihoni, wadvonsa lamanti wawacondzisa entasi ngasenshonalanga neliDolobha laDavide. Hezekiya abephumelela kuko konkhe labekusukela akwente.

2 Emakhosi 18:17

Inkhosi yase-Asiriya yatfumela khenela wayo, nendvuna yemabutfo, nendvuna lenkhulu yemphi kanye nalelikhulu libutfo lemphi, lelesuka eLakhishi yaya enkhosini, Hezekiya, eJerusalema. Lemphi yefika eJerusalema yakanekisa emseleni wesitiba lesisenhla, emgwacweni loya eNsimini yeMgezi Wetingubo.

Nehemiya 12:37

ESangweni Lemtfombo bachubeka bakhuphuka ngetitebhisi telubondza lweLidolobha laDavide letenyuka kulo, bendlule ngetulu kwendlu yaDavide baze bayewufika eSangweni Lemanti ngasemphumalanga.

Umshumayeli 2:6

ngatakhela emadamu ekunisela lamahlatsi etihlahla letikhulako,

Nehemiya 3:16

Eceleni kwakhe bekunguNehemiya, umsa wa-Azbuki, umbusi wencenye yesifundza saseBhethi Suri, lowaluvusa waze wefika macondzana nemadliza akaDavide, nasechibini lekwakhiwa, naseNdlini Yemachawe.