Nahume 1:4 - Siswati 1996 Bible

⁴ Wekhuta lwandle, kome emanti alo; womisa yonkhe imifula yemanti. Tikhotsa taseBhashani tiyoma, iNtsaba iKhameli ihamuke, timbali taseLebanoni tibune.

Nahume 1:4 ပူးပေါင်းရင်းမြစ်များ

Isaya 33:9

Live liyalila ligedvuke, iLebanoni ihlazekile, iyabuna; iSharoni ifanana nelihlane i-Arabha, iBhashani neKhameli kuhhohlota emacembe ayo.

Tihlabelelo 106:9

Wakhalimela Lwandle Lolubovu, lwasha, wabeweta ekujuleni kwalo, kwaba shangatsi bahamba ehlane.

Isaya 51:10

Kwakungesiwe yini lowa lowomisa lwandle, emanti alapho kushona khona kakhulu, lowenta umgwaco ekujuleni kwelwandle, kuze labahlengiwe bewelele ngesheya?

Isaya 44:27

Ngimi lokhuluma nekujula kwemanti atsi: ‘Yoma, ngitakomisa imifudlana yakho.’

Tihlabelelo 114:5

Kwenteke njani kuwe, Lwandle Lolubovu, kutsi bewungaze ubaleke? Nawe Jordane, wentiwe yini kuma ungageleti?

Tihlabelelo 114:3

Lwandle Lolubovu lwakubona loku lwabaleka, umfula iJordane wema, wangete wageleta.

Tihlabelelo 104:7

Wawekhuta abaleka, ngekubhonga kwelivi lakho asubatsa ngematubane abaleka,

Tihlabelelo 74:15

Nguwe lowavula tiyalu nemifula emadvwaleni, womisa nemifula legeletako.

Matewu 8:26

Jesu wabaphendvula watsi: “Nesabani, nine bekukholwa lokuncane?” Wasukuma wasekhuta lesivunguvungu kanye nelwandle, kwase kuba khona kuthula lokukhulu.

Amose 5:8

Simakadze lowenta tinkhanyeti, wadala Silimela neMtsentse. Nguye logucula bumnyama abente intsatsakusa, ente imini ibe busuku. Ubita emanti aselwandle, awatsele ebusweni bemhlaba, nguSimakadze libito lakhe.

Amose 1:2

Amose wakhuluma watsi: “Simakadze uyabhodla eSiyoni, yebo, Simakadze uyabhavumula aseJerusalema, emadlelo ebelusi ayoma, nesicongo sentsaba iKhameli siyabuna.”

Hezekeli 30:12

Ngiyakomisa imifudlana yaseNayili, ngitsengise live kubantfu lababi; ngetandla tebachamuki live ngiyawulibhubhisa nako konkhe lokukulo. Mine Simakadze sengikhulumile.

Jobe 38:11

ngesikhatsi ngitsi: ‘Ungahamba ugcine lapha, ungabe usachubekela embili, emagagasi akho latigcabhako atawugcina lapha’?

Genesisi 8:1

Nkulunkulu wamkhumbula Nowa, netilwane tonkhe, kanye nato tonkhe tifuyo labenato emkhunjini. Nkulunkulu waletsa umoya waphuphutsa etikwemhlaba, emanti etja.

Joshuwa 3:16

emanti labechamuka ngenhla kwabo ema tindvonga angabe asageleta. Ema aba tindvonga letindze letaze tefika edolobheni lekwakutsiwa yi-Adamu ngaseSarethani, kwatsi lawa labegeleta abheke entansi elwandle lwase-Arabha, Lwandle Lweluswayi, ancamuka. Ngako sive sonkhe sewela malungana neJerikho.

2 Samuweli 22:16

Kujula kwetilwandle kwenekeka ebaleni, tisekelo temhlaba tembuleka, ngenca yekutsetsa kwaSimakadze, nangenca yekufutsa kwemakhala akhe.

Isaya 42:15

Ngitawucitsa tintsaba nemagcuma, ngomise konkhe lokumila kuto, ngitawugucula imifula ibe tichingi, ngomise emachibi.

Hezekeli 38:20

Tinhlanti taselwandle, netinyoni tasemoyeni, netilwane tesiganga, nato tonkhe tilwanyakatana letinwabutelako emhlabatsini, nabo bonkhe bantfu labasebusweni bemhlaba, kuyawutfutfumela ebukhoneni bami. Tintsaba tiyawugumbuceleka, emawa ahhihlikele phansi, nato tonkhe tindvonga tiyawudzilikela emhlabatsini.

Tihlabelelo 18:16

Welula ingalo yakhe akulelisetulu, wayehlisela phansi, wangibamba, wangenyula ekujuleni kwemanti.