Matewu 7:21 - Siswati 1996 Bible

²¹ “Akusibo bonkhe labatsi kimi: ‘Nkhosi, Nkhosi,’ labayawungena embusweni welizulu, kodvwa ngulabo labenta intsandvo yaBabe losezulwini.

Matewu 7:21 ပူးပေါင်းရင်းမြစ်များ

KubaseRoma 2:13

Ngobe akusibo labawuvako umtsetfo labalungile kuNkulunkulu, kepha ngulabo labawentako umtsetfo labayakwemukelwa nguNkulunkulu ngekutsi balungile.

Lukha 6:46

“Ningibitelani kutsi: ‘Nkhosi, Nkhosi,’ nibe ningenti lenginitjela kona?

YaJakobe 1:22

Nibe benti belivi, ningabi balaleli kuphela nje, nitikhohlisa.

Lukha 11:28

Kodvwa Jesu wamphendvula watsi: “Yebo, kunjalo, kodvwa lokukhulu kutsi: Babusisiwe labo labeva livi laNkulunkulu, bese bayalenta.”

kuThithusi 1:16

Bavuma ngemlomo kutsi bayamati Nkulunkulu, kepha ngetento tabo bayamphika; bayenyanyeka, abalaleli, bayehluleka kwenta nome ngabe yini lenhle.

KumaHebheru 4:6

Kuyakhanya-ke kutsi nanyalo umnyango usavuliwe kutsi labo labatsandzako basengangena ekuphumuleni kwakhe, ngobe phela labo labaliva kucala liVangeli abangenanga ngenca yekungalaleli kwabo.

Johane 6:40

Ngobe loko kuyintsandvo yaBabe kutsi, bonkhe lababone iNdvodzana, base bakholwa kuyo, babe nekuphila lokuphakadze; mine-ke ngiyawubavusa ngemhla wekuphela.”

Sembulo 3:5

“ ‘Lowo loncobako uyakwembatsiswa tingubo letimhlophe, nelibito lakhe ngingeke ngilesule encwadzini yekuphila. Ngiyawumfakazela embikwaBabe nasembikwetingilosi takhe kutsi wami.

1 yaPhetro 4:2

Ngako ngesikhatsi nisesemhlabeni, ningabe nisaphila ngetinkhanuko talelive, kodvwa ngentsandvo yaNkulunkulu.

KumaHebheru 13:21

anganiphelelisa kuko konkhe lokuhle, kuze nente intsandvo yakhe, asebente kini ente ngaJesu Khristu loko lokujabulisako emehlweni akhe. Ludvumo alube kuKhristu phakadze naphakadze. Amen.

Matewu 12:50

Ngobe lowo lowenta intsandvo yaBabe losezulwini, nguye longumnaketfu, nadzadzewetfu, namake.”

Sembulo 22:14

“Babusisiwe labo labatigezako tingubo tabo, kuze kutsi babe nelilungelo lekudla esihlahleni sekuphila, babe nelilungelo lekungena ngemasango ekhaya.

Johane 3:5

Jesu wamphendvula watsi: “Ngicinisile, ngicinisile, ngitsi kuwe: Ngaphandle kwekutsi umuntfu atalwe ngemanti nangaMoya, angeke angene embusweni waNkulunkulu.

Matewu 18:3

watsi: “Ngicinisile, ngitsi kini: Naningaphendvuki nibe njengebantfwana, ningeke ningene embusweni welizulu.

Johane 7:17

Umuntfu nakatsandza kwenta intsandvo yaNkulunkulu utakwati ngalemfundziso yami, nome iphuma kuNkulunkulu, nome ngitikhulumela kwami nje.

KubaseRoma 12:2

Ningalilingisi lelive, kodvwa niguculwe ngekwentiwa kabusha kwengcondvo yenu, khona nitekwati kuhlolisisa loko lokuyintsandvo yaNkulunkulu, nikwati lokuhle, nalokwemukelekako, nalokuphelele.

Makho 3:35

Ngobe wonkhe lowenta intsandvo yaNkulunkulu ngumnaketfu, nadzadzewetfu, namake.”

1 kubaseThesalonika 5:18

Bongani kuko konkhe, ngobe loko kuyintsandvo yaNkulunkulu kuKhristu Jesu ngani.

Kubase-Efesu 6:6

Loko ningakwenti ngekutsenga emehlo njengalabajabulisa bantfu, kodvwa njengetisebenti taKhristu, nente intsandvo yaNkulunkulu ngenhlitiyo.

1 yaPhetro 2:15

Ngobe Nkulunkulu ufuna kona loko kutsi nibavale imilomo labo labatilima, ngekutsi nente lokuhle.

Matewu 25:21

Inkhosi yaso yatsi kuso: ‘Wente kahle, sisebenti lesihle nalesetsembekile; wetsembekile etintfweni letincane, ngako ngitakubeka wengamele lokunyenti. Ngena ekujabuleni kwenkhosi yakho!’

1 kubaseThesalonika 4:3

Kuyintsandvo yaNkulunkulu kungcweliswa kwenu, bubalekeleni bugwadla nebuphingi.

KubaseKholose 4:12

Uyanihambisa na-Ephafrasi longulomunye wakini, inceku yaKhristu Jesu, lonilwela ngaso sonkhe sikhatsi emkhulekweni, kuze nime, niphelele nisime ekwenteni intsandvo yaNkulunkulu.

Lukha 13:25

“Umnikati wendlu nasekasukumile wavala umnyango, niyakuma ngephandle ninconcotse nitsi: ‘Nkhosi, sivulele umnyango!’ Uyakuniphendvula atsi: ‘Anginati lapho niphuma khona!’

Imisebenti yebaPhostoli 14:22

Bacinisa emakholwa bawakhutsata ekubambeleleni ekukholweni. Babafundzisa kutsi: “Sifanele sendlule ekuhluphekeni lokunyenti kuze singene embusweni waNkulunkulu.”

Lukha 18:25

Kulula kutsi likamela lingene embotjeni yenyalitsi kunekutsi injinga ingene embusweni waNkulunkulu.”

Makho 9:47

Nangabe liso lakho likonisa, likupulute ulilahle khashane! Kuncono umane ungene embusweni waNkulunkulu uneliso linye, kunekutsi ube nemehlo omabili kodvwa uyewulahlwa esihogweni.

Matewu 19:24

Futsi ngitsi kini: Kulula kutsi likamela lingene embotjeni yenyalitsi, kunekutsi umuntfu lonjingile angene embusweni waNkulunkulu.”

Matewu 18:35

“Kanjalo-ke naBabe wami wasezulwini uyawukwenta loko kini naningatsetseleli bazalwane benu ngetinhlitiyo letiphelele.”

Johane 15:23

Umuntfu lotondza mine, utondza naBabe.

Matewu 26:42

Waphindze wahamba futsi kwesibili wathandaza atsi: “Babe, nangabe lendzebe ingeke yendlule kimi ngingakayinatsi, akwenteke intsandvo yakho!”

Matewu 16:17

Jesu waphendvula watsi kuye: “Ubusisiwe wena Simoni waJohane, ngobe loko awukakwembulelwa ngumuntfu kepha nguBabe losezulwini.

Sembulo 2:27

“atibuse ngendvuku yensimbi, atiphihlite tidzimate tibe ticucu njengetincetu tembita leyakhiwe ngelibumba,”

Johane 14:7

“Kube beningati mine ngabe niyamati naBabe. Kepha kusukela manje niyamati, nimbonile.”

Johane 5:17

Kodvwa Jesu wabaphendvula watsi: “Babe wami seloku usasebenta kuze kube manje; nami-ke ngenta njalo.”

Matewu 26:39

Yena wachubeka libangana, wawa phansi ngebuso, athandaza atsi: “Babe, nakungenteka, yendlulise kimi lendzebe yelusizi. Kepha hhayi ngekufisa kwami, kodvwa kuye ngentsandvo yakho.”

Matewu 18:10

“Caphelani ningedzeleli ngisho namunye kulaba labancane; ngobe ngitsi kini: Tingilosi tabo ezulwini tibubona njalo buso baBabe losezulwini. [

Matewu 18:19

“Futsi ngicinisile, ngitsi kini: Nangabe lababili benu lapha emhlabeni bavumelana nome ngaluphi ludzaba labalucelako, bayawulwentelwa nguBabe losezulwini.

Matewu 25:10

Tatsi tisehambile tiyewutsenga, wefika umyeni; leti letatilungele tangena kanye naye edzilini lemshado, umnyango wavalwa.