Matewu 5:34 - Siswati 1996 Bible

³⁴ Kodvwa mine ngitsi kini: Ningafungi sanhlobo: nome ngelizulu, ngobe lingumchele waNkulunkulu;

Matewu 5:34 ပူးပေါင်းရင်းမြစ်များ

Tihlabelelo 11:4

Simakadze usethempelini lakhe lelingcwele, sihlalo sebukhosi saSimakadze sisezulwini, emehlo akhe ayacaphela, emehlo akhe avivinya bantfu emhlabeni.

Umshumayeli 9:2

Bonkhe banasiphetfo sinye: labalungile nalabangakalungi, labahle nalababi, labahlantekile nalabangcolile, labenta imihlatjelo nalabangayenti. Njengobe kunjalo kumuntfu lolungile, kuyawuba njalo nakulosoni; nanjengobe kunjalo kulabo labenta tifungo, kutawuba njalo nakulabo labesaba kutenta.

Isaya 57:15

Ngobe nguloko lokushiwo nguLophakeme Losetulu, lolibito lakhe linguLongcwele, utsi: “Ngihlala etulu endzaweni lengcwele, kodvwa nakuye lodzabukile nalotfobekile emoyeni, kutewuvuselela umoya walabatfobekile nekuvuselela tinhlitiyo talabephukile emoyeni.

Isaya 66:1

Naku lokushiwo nguSimakadze, utsi: “Lizulu lisihlalo sami sebukhosi, umhlaba usenabelo setinyawo tami. Iphi-ke lendlu leningangakhela yona? Itawuba kuphi-ke indzawo yami yekuphumula?

Imisebenti yebaPhostoli 7:49

“ ‘Nkulunkulu utsi: “Lizulu lisihlalo sami, umhlaba senabelo setinyawo tami. Yindlu lenjani leningayakhela mine? Iphi indzawo lapho ngingaphumula khona?

YaJakobe 5:12

Kepha, bazalwane bami, etikwako konkhe ningafungi, nome ngelizulu, nome ngemhlaba, nome ngangusiphi sifungo; kodvwa nanivuma nibotsi: “Yebo” nome-ke nitsi: “Cha” nangabe niyala, kuze ningangeni ekwehlulelweni.