Matewu 21:33 - Siswati 1996 Bible

³³ “Lalelani nangu lomunye umfanekiso: Kwake kwaba khona umlimi labenelipulazi. Wahlanyela sivini, wasibiyela ngelutsango, wemba umgodzi wekuhlutela emagelebisi etjeni, wakha nendlwana lesetulu yekulindza, wase uyasicashisa lesivini. Yena-ke wase uyahamba uya khashane.

Matewu 21:33 ပူးပေါင်းရင်းမြစ်များ

Jeremiya 2:21

Bengikuhlanyele njengemvini welikhetselo, weluhlobo lolucinile nalolwetsembekile. Pho, ungigucukele kanjani lokutsi bese uba ngumvini lokhohlakele longewesiganga?

Johane 15:1

“Mine ngingumvini longuwo sibili. Babe ungumlimi.

Lukha 19:12

Ngako wase utsi: “Kwakukhona umnumzane labehloniphekile, lowahamba waya eveni lelikhashane kakhulu ayawubekwa inkhosi, bese uyabuya-ke.

Hoseya 4:1

Vanini livi laSimakadze, nine ma-Israyeli, ngobe Simakadze usenelicala latanibeka lona, nine lenihlala kulelive, utsi: “Kute kwetsembeka, kute lutsandvo, kute kuphakamisa Nkulunkulu eveni.

Makho 13:34

Kufanana nendvodza leyayitawuya khashane; yatsi nase itawusuka ekhaya, yabeka tisebenti tayo etikhundleni tato, nguleso nemsebenti waso lotsite. Yayala umgcini welisango kutsi alindze kahle.

Matewu 23:2

watsi: “Tati temtsetfo nebaFarisi bahleti esihlalweni saMosi bafundzisa umtsetfo.

Matewu 21:28

“Kepha nitsini-ke? Umuntfu lotsite abenemadvodzana lamabili. Waya kuleyekucala, wefike watsi: ‘Msawami, hamba uyewusebenta esivinini lamuhla!’

Matewu 13:18

“Lalelani-ke kutsi umfanekiso ngemhlanyeli usho kutsini.

Jeremiya 19:3

utsi: ‘Vanini nali livi laSimakadze, nine makhosi akaJuda, nani bantfu baseJerusalema. Naku lokushiwo nguSimakadze longuSomandla, Nkulunkulu wesive sema-Israyeli, utsi: Lalelani! Ngitakwehlisela inhlekelele kulendzawo letakwenta kutsi tonkhe tindlebe letiyakuva ngayo tilume.

Isaya 1:10

Lalelani livi laSimakadze, nine babusi baseSodoma; lalelani imfundziso yaNkulunkulu wetfu, nine bantfu baseGomora!

1 Emakhosi 22:19

Mikhaya wachubeka watsi: “Ngako-ke lalela livi laSimakadze: Ngabona Simakadze ahleti esihlalweni sakhe sebukhosi nayo yonkhe imphi yasezulwini ime ngakuye imtungeletile ngesekudla sakhe nangesancele.

Dutheronomi 16:18

“Khetsani behluleli kanye netindvuna tetinkhundla taleso naleso sive kuwo onkhe emadolobha enu Simakadze Nkulunkulu lanipha wona. Ngibo labayakwehlulela ngekungakhetsi.

Matewu 20:1

“Umbuso welizulu ufanana nemnikati wesivini, lowaphuma ekuseni ayawucasha emadvodza ekusebenta esivinini sakhe.