Makho 12:6 - Siswati 1996 Bible

⁶ Ekugcineni kwase kusele umuntfu munye lebeyingamtfumela, umsa wayo lebeyimtsandza kakhulu. Beyicabanga kutsi batamhlonipha ngobe kuyindvodzana yayo.

Makho 12:6 ပူးပေါင်းရင်းမြစ်များ

Johane 1:34

Mine ngimbonile, ngingufakazi wekutsi: ‘Lona yiNdvodzana yaNkulunkulu.’ ”

Matewu 3:17

Kusenjalo kwevakala livi livela ezulwini litsi: “Lena yiNdvodzana yami, letsandzekako, lengijabula ngayo.”

1 yaJohane 4:9

Lutsandvo lwaNkulunkulu lwabonakaliswa kitsi ngekutsi Nkulunkulu watfumela iNdvodzana yakhe leyodvwa emhlabeni, khona sitewuphila ngayo.

KumaHebheru 1:6

Nakaphindza futsi aletsa litubulo emhlabeni utsi: “Tonkhe tingilosi taNkulunkulu atilihloniphe.”

Johane 5:23

kuze bonkhe bahloniphe iNdvodzana njengobe bahlonipha uYise. Lowo longayihloniphi iNdvodzana, akahloniphi neYise loyitfumile.

Johane 3:35

UYise uyayitsandza iNdvodzana, waniketa konkhe etandleni tayo.

Johane 1:49

Nathanayeli waphendvula watsi: “Mfundzisi, wena uyiNdvodzana yaNkulunkulu, uyiNkhosi yaka-Israyeli!”

Johane 1:18

Kute lowase wabona Nkulunkulu, ngaphandle kweNdvodzana letelwe yodvwa lenguNkulunkulu, lesesifubeni seYise, ngiyo lembonakalisile.

Johane 1:14

Livi waba ngumuntfu, wahlala kanye natsi, agcwele umusa neliciniso. Sayibona inkhatimulo yakhe, lengeyalotelwe yedvwa kuYise.

Lukha 9:35

Kwase kuvakala livi liphuma kulelifu litsi: “Lena yiNdvodzana yami, lengiyikhetsile, yilaleleni!”

Lukha 3:22

Moya Longcwele wehlela kuye afana nelituba. Kwevakala livi liphuma ezulwini litsi: “Wena uyiNdvodzana yami letsandzekako. Ngitfokotile ngawe.”

Makho 9:7

Kwefika lifu labambonya, kwevakala livi liphuma efini litsi: “Lena yiNdvodzana yami letsandzekako, yilaleleni.”

Makho 1:11

Kwevakala livi livela ezulwini litsi: “Wena uyiNdvodzana yami lengiyitsandzako. Ngiyatfokota ngawe.”

Matewu 26:63

Kodvwa Jesu wabindza. Waphindze wakhuluma umPhristi Lomkhulu watsi kuye: “Egameni laNkulunkulu lophilako, sengiyakufungisa-ke manje kutsi sitjele nawunguKhristu, iNdvodzana yaNkulunkulu.”

Matewu 17:5

Watsi asakhuluma loko, kwachamuka lifu lelikhatimulako, labasibekela. Kwevakala livi kulelifu litsi: “Lena yiNdvodzana yami letsandzekako, lengitfokota ngayo; yilaleleni!”

Matewu 11:27

“Konkhe ngikuphiwa nguBabe, kute loyatiko iNdvodzana ngaphandle kweYise, kantsi futsi kute lomatiko uYise ngaphandle kweNdvodzana nalowo iNdvodzana letsandza kumembulela yena.

Matewu 1:23

“Bheka, intfombi iyawukhulelwa itale indvodzana, libito layo kuyawutsiwa ngu-Imanuweli,” lokusho kutsi: “Nkulunkulu unatsi.”

Isaya 42:1

Simakadze utsi: “Nayi-ke inceku yami, lengiyicinisako, lokhetsiwe wami lengijabulako ngaye; ngiyawubeka Moya wami kuye, yena uyawuletsa umtsetfocotfo wami etiveni.

Tihlabelelo 2:12

Khotsamani etinyaweni tendvodzana, ingadzimate initfukutselele, nifele endleleni, ngobe lulaka lwayo luvutsa masinyane. Babusisiwe bonkhe lababalekela kuyo.

Genesisi 37:3

Israyeli abetsandza kakhulu Josefa kunawo onkhe emadvodzana akhe, sizatfu kwakukutsi wamtala asamdzala kakhulu. Ngako-ke wamtfungela ingubo lendze leyayinemikhono lemidze kantsi futsi ihlotjisiwe.

Genesisi 22:12

Yatsi: “Ungacali ubeke sandla kulomfana, futsi ungenti lutfo kuye; ngobe manje sengiyati kutsi uyamesaba Nkulunkulu, ngekutsi awukangigodleli indvodzana yakho lekukuphela kwayo.”

Genesisi 22:2

Nkulunkulu watsi: “Tsatsa Isaka, indvodzana yakho, leyodvwana naloyitsandzako, uye eveni laseMoriya, wente umhlatjelo ngayo entsabeni lengitakulayela yona.”

Tihlabelelo 2:7

Angimemetele umyalo lowashiwo nguSimakadze kimi, nakatsi: “Wena uyindvodzana yami, lamuhla ngikutele.

Genesisi 44:20

Sayiphendvula satsi: ‘Sinaye babe, semdzala kakhulu, ukhona nemnaketfu losemncane, lamtala ebudzaleni bakhe, umnakabo akasekho. Senguye kuphela losasele esiswini senina. Uyise umtsandza kakhulu.’

Makho 12:5

Yaphindza yatfumela lesinye sisebenti sayo, sona-ke sefika basibulala. Tinyenti letinye letatitfunywa: letinye tatishaywa, letinye tibulawe.

Makho 12:7

Kodvwa labacashi batsi kube bayibone lendvodzana, bakhulumisana bodvwana batsi: ‘Nanso indlalifa yakhe, wotani siteyibulala, khona lelifa kutakuba letfu.’

3 yaJohane 1:1

Lencwadzi iphuma kuMbonisi. Iya kuGayusi lotsandzekako, lengimtsandza ngeliciniso.