Makho 12:14 - Siswati 1996 Bible

¹⁴ Bafike batsi kuye: “Mfundzisi, siyati kutsi wena uneliciniso, awuwatsengi emehlo emuntfu ngobe awesatjiswa bunjalo bemuntfu. Ufundzisa indlela yaNkulunkulu ngeliciniso. Kulungile yini kukhipha umtselo kuKhesari, uMbusi wemaRoma, nome cha? Sifanele siwukhiphe yini nome singawukhiphi?”

Makho 12:14 ပူးပေါင်းရင်းမြစ်များ

2 Tikhronike 18:13

Kodvwa Mikhaya waphendvula, watsi: “Ngifunga kuphila kwaSimakadze, ngitamtjela loko Nkulunkulu wami lakushoko kuphela.”

2 Tikhronike 19:7

Ngako yesabani Simakadze, nehlulele ngekunakekela lokukhulu, ngobe Simakadze Nkulunkulu wetfu akanako kungalungi, akakhetsi muntfu, futsi akadizelwa.”

Nehemiya 9:37

Ngenca yetono tetfu, sivuno salo lesinyenti sesiya emakhosini lose usibekele wona. Lamakhosi abusa etikwetfu kanye nasetikwetinkhomo tetfu njengobe atsandza. Tsine siselusizini lolukhulu.”

Tihlabelelo 120:2

Simakadze, ngisindzise kulabangicalela emanga nakubakhohlisi.

Tihlabelelo 55:21

Inkhulumo yakhe ishelelisa kwelibhotela, noko inhlitiyo yakhe ifukamele imphi, emavi akhe atsambe kwengca emafutsa, noko atinkemba letilindzele kugwaza.

Jeremiya 42:20

kutsi nenta siphosiso lesesabekako ngesikhatsi ningitfuma kuSimakadze longuNkulunkulu wenu, natsi: ‘Sithandazele kuSimakadze wetfu; sitjele konkhe lakushoko, sitakwenta.’

Mikha 3:8

Kepha mine, Simakadze ungigcwalisa ngaMoya nangemandla akhe, anginike luvelo lwekwenta tintfo ngekulunga, anginike nesibindzi sekutjela Israyeli lapho one khona nekutsi tono takhe ngutiphi.

Matewu 22:16

Base batfumela kuye labanye bafundzi babo kanye nemalunga ephathi yemaHerodi. Befike batsi: “Mfundzisi, siyati kutsi wena uneliciniso, ufundzisa indlela yaNkulunkulu ngeliciniso, awunaki muntfu, ngobe awubuki buso bemuntfu.

Matewu 22:17

Sitjele-ke kutsi wena utsini. Kuvunyelwe yini kutsela kuKhesari nome cha?”

Makho 12:13

Base batfumela labanye bebaFarisi, kanye nemaHerodi, kutsi atewugiba Jesu ngenkhulumo yakhe.

Makho 12:15

Kodvwa Jesu abati kahle bumbulu babo, watsi kubo: “Ningilingelani? Ase ningikhombise loluhlavu lwemali.”

Makho 14:45

Watsi kube efike nje Judasi wacondza ngco kuJesu, watsi: “Mfundzisi!” Wamanga.

Lukha 20:22

Asusitjele, kuphambene yini nemtsetfo wetfu kukhipha umtselo kuKhesari, uMbusi wemaRoma, nome cha?”

Lukha 23:2

Base batsi: “Lomuntfu simbambe edukisa sive sakitsi, asitjela kutsi singatseli kuKhesari, atigabatisa ngekutsi yena unguKhristu, iNkhosi.”

Johane 7:18

Lotikhulumela kwakhe ufuna ludvumo lwakhe, kepha lofuna ludvumo lwalowo lamtfumile, lowo ucinisile, futsi kute kungalungi kuye.

KubaseRoma 13:6

Kungaso lesizatfu nitsela nje; letiphatsimandla letitisebenti taNkulunkulu ngetaloko, njengobe titinikela emsebentini wato.

2 kubaseKorinthe 2:17

Tsine-ke asinjengabo bantfu labanyenti labenta livi laNkulunkulu libe yindali; kodvwa tsine lesikuKhristu sikhuluma kwaNkulunkulu ngekuciniseka ebukhoneni bakhe.

2 kubaseKorinthe 2:2

Ngobe nangabe nginivise buhlungu, ngubani longangitfokotisa? Kungaba nguye yena lowo lese ngimvise buhlungu?

2 kubaseKorinthe 4:1

Nkulunkulu ngemusa wakhe wasiniketa lenkonzo; ngiko nje singadzinwa.

2 kubaseKorinthe 5:11

Ngako-ke, njengobe sati kutsi kuyini kwesaba Nkulunkulu, setama kuzuza bonkhe bantfu. Nkulunkulu usati njengobe sinjalo; nami ngiyetsemba kutsi nani niyasicondzisisa.

2 kubaseKorinthe 5:16

Ngako kusukela nyalo asiseyikwati muntfu ngekwenyama. Nome sake samati Khristu ngekwenyama nyalo asisamati kanjalo.

KubaseGalathiya 1:10

Kungabe kambe ngitincengela kubantfu yini nome kuNkulunkulu? Nome ngetama kujabulisa bantfu yini? Nangabe ngisajabulisa bantfu, bengingeke ngibe sisebenti saKhristu.

KubaseGalathiya 2:6

Labo labadvume ngekutsi baholi – kutsi babe yini akusho lutfo kimi, ngobe Nkulunkulu akakhetsi buso bemuntfu – ngitsi: Labo baholi abazange bengete lutfo eVangelini lengilishumayelako.

Dutheronomi 16:19

Kufanele ningawephuli umtsetfo, futsi ningabakhetsi bantfu. Akukafaneli nemukele umdizo, ngobe uphumphutsekisa emehlo alabahlakaniphile, uphambukise nemavi alabalungile.

1 kubaseThesalonika 2:4

Kodvwa njengaloku sivunyiwe nguNkulunkulu kutsi siphatsiswe liVangeli, asikhulumeli kujabulisa bantfu, kodvwa sikhulumela kujabulisa Nkulunkulu lohlola tinhlitiyo tetfu.