Lukha 9:45 - Siswati 1996 Bible

⁴⁵ Kodvwa abazange bayive lenkhulumo kutsi isho kutsini, ngobe beyifihlakele kubo futsi ingevakali, kantsi babesaba nekumbuta ngalendzaba.

Lukha 9:45 ပူးပေါင်းရင်းမြစ်များ

Lukha 18:34

Bafundzi bakhe abazange beve kutsi ucondze kutsini, ngobe inchazelo yalamavi akhe yayifihlekile kubo, bebangati kutsi Jesu ukhuluma ngani.

Johane 12:16

Bafundzi bakhe abazange bakucondzisise loko ngaleso sikhatsi, kodvwa kwatsi Jesu nasakhatimulisiwe, bakhumbula kutsi loko kwakubhaliwe ngaye nekutsi loko babekwentile kuye.

Lukha 2:50

Kodvwa abayivanga kahle lemphendvulo yakhe.

Makho 9:32

Kodvwa abazange bayive leyo nkhulumo, besaba nekumbuta.

Johane 14:5

Tomase watsi kuye: “Nkhosi, asati lapho uya khona. Indlela singayati njani?”

Johane 12:34

Lesicumbi samphendvula satsi: “Sivile emtsetfweni kutsi Khristu uyawuphila kuze kube phakadze. Kepha wena usho kanjani kutsi iNdvodzana yeMuntfu itawuphakanyiswa? Ngubani yona leNdvodzana yeMuntfu?”

Makho 9:10

Nangempela basigcina leseluleko, kodvwa babutana bodvwa batsi: “Kusho kutsini ‘kuvuka kulabafile’?”

Matewu 16:22

Phetro wase umdvonsela eceleni wamekhuta watsi: “Nkhosi, Nkulunkulu akakusite, loku kungete kwenteka kuwe!”

Lukha 9:46

Bafundzi baJesu babese bayaphikisana ngekutsi ngubani lomkhulu kunabo bonkhe.

Matewu 17:22

Ngesikhatsi baseseGalile, Jesu watsi kubo: “INdvodzana yeMuntfu itawunikelwa etandleni tebantfu;

Johane 4:33

Ngako bafundzi bacala babutana bodvwa, batsi: “Ngabe kukhona yini loke wamletsela kudla?”