Lukha 17:34 - Siswati 1996 Bible

³⁴ Nginitjela kutsi: Kulobo busuku bantfu bayawube balele bababili embhedzeni munye; lomunye uyawutsatfwa, lomunye asale ngemuva.

Lukha 17:34 ပူးပေါင်းရင်းမြစ်များ

2 yaPhetro 2:9

INkhosi iyakwati kubakhulula ekulingweni labo labesaba Nkulunkulu; kodvwa labangakalungi ibagcinela kujeziswa ngelilanga lekwehlulelwa,

Matewu 24:25

Bukani-ke, senginitjele ngaphambili kungakenteki.

Lukha 13:24

“Phikelelani kungena ngemnyango lomncane; ngobe banyenti bantfu labatakwetama kungena ngawo, kodvwa bayakwehluleka.

Makho 13:23

“Kodvwa caphelani, ngobe senginitjele konkhe loku kungakenteki.”

Jeremiya 45:5

Pho, ungatifunela yini wena tintfo letinkhulu? Ungatifuni. Ngobe ngiyakwehlisela inhlekelele etikwabo bonkhe bantfu, kodvwa wena nome ngukuphi lapho uya khona, ngiyawukwenta uphunyule kanye nemphilo yakho, kusho Simakadze.’ ”

Isaya 42:9

Buka la, tintfo takucala setentakele, sengimemetela tintfo letinsha; tisengakacali kubonakala ebaleni, senginatisa tona.”

Tihlabelelo 28:3

Ungangilahli kanye nalababi, ungangilahli kanye nalabenta lokubi, labakhuluma kuthula nabomakhelwane babo, kantsi etinhlitiyweni tabo bamumetse bubi.

Tihlabelelo 26:9

Umphefumulo wami ungawulahli kanye netoni, nekuphila kwami ungakulahli kanye nebabulali.

Lukha 13:5

Cha! Nginitjela kutsi, nangabe nani ningashiyi tono tenu, niyawubhubha njengabo.”

Lukha 13:3

Cha! Nginitjela kutsi, nangabe nani ningatishiyi tono tenu, niyawubhubha njengabo.

Makho 14:29

Kepha Phetro watsi kuye: “Nome bangakuhlamuka bonkhe, mine ngingeke.”

Lukha 17:33

Umuntfu lowetama kusindzisa imphilo yakhe, uyawulahlekelwa ngiyo. Kodvwa umuntfu lolahlekelwa yimphilo yakhe, uyawuyisindzisa.

Lukha 17:35

Bafati lababili bayawube bagaya ndzawonye; lomunye uyawutsatfwa, lomunye asale ngemuva. [