Lukha 16:8 - Siswati 1996 Bible

⁸ “Inkhosi yayidvumisa lendvuna lengaketsembeki ngekwenta lentfo lenebucili kangaka, ngobe bantfu balomhlaba bahlakaniphile esitukulwaneni sabo kunebantfu bekukhanya.”

Lukha 16:8 ပူးပေါင်းရင်းမြစ်များ

1 kubaseThesalonika 5:5

Nine nonkhe ningemadvodzana ekukhanya nemadvodzana emini; asisibo bebusuku nebebumnyama.

Kubase-Efesu 5:8

Ngobe kucala nanibumnyama, kepha nyalo senikukhanya eNkhosini. Hambani njengebantfwana bekukhanya.

Lukha 16:10

“Lowo lowetsembekile etintfweni letincane, uyakwetsembeka nasetintfweni letinkhulu, longetsembeki etintfweni letincane, angeke etsembeke etintfweni letinkhulu.

Johane 12:36

Kholwani kukhanya nisenako, kuze nitewuba bantfwana bekukhanya.” Jesu watsi kube acedze lenkhulumo, wesuka kubo watifihla.

1 yaJohane 3:10

Bantfwana baNkulunkulu nebantfwana baSathane babonakala ngaloku: Umuntfu longenti kulunga nalongatsandzi umzalwane wakhe, akasiye waNkulunkulu.

Lukha 16:4

Sengibonile lengitawukwenta, kuze nase ngiphelelwe ngumsebenti, bangani bami bangemukele, bangihlalise emakhaya abo.’

Eksodusi 1:10

Ase siwabuke ngalamanye emehlo, sente lisu, funa andze kakhulu, ngobe nakungesuka imphi, angahle asite letitsa tetfu, bese ayabaleka kulelive.”

Genesisi 3:1

Inyoka yayinebucili kwendlula tonkhe tilwane tesiganga labetentile Nkulunkulu Simakadze. Yatsi kumfati: “Kodvwa ngempela Nkulunkulu ushito yini kutsi: ‘Ningadli nome ngusinye nje sitselo setihlahla letisensimini’?”

Lukha 20:34

Jesu wabaphendvula watsi: “Bantfu balesikhatsi bayatsatsana,

Tihlabelelo 17:14

Simakadze, ngephule ngesandla sakho etandleni talabagungubele ngetintfo talomhlaba. Bajezise ngekuhlupheka lobabekele kona. Shangatsi kungenela bona kanye nebantfwababo, kwendlulele nakubatukulu bebatukulu babo.

2 Samuweli 13:3

Amnoni abenemngani wakhe lekwakunguJonadabi, umsa waShama, umnakaboDavide. Jonadabi bekuyindvodza leyayinebucili kakhulu.

1 yaPhetro 2:9

Kodvwa nine nibeluhlanga lolukhetsiwe, nibaphristi bebukhosi, sive lesingcwele; nibantfu baNkulunkulu labakhetselwe kumemetela imisebenti lemihle yaNkulunkulu. Nguye lowanibita kutsi niphume ebumnyameni nitewungena ekukhanyeni kwakhe lokumangalisako.

KubaseFiliphi 3:19

Kuphela kwabo kubhujiswa, nkulunkulu wabo sisu, ludvumo lwabo lusehlazweni labo, bangulabanaka tintfo temhlaba.

1 kubaseKorinthe 3:18

Akubete lotiyengako, nangabe umuntfu atsi uhlakaniphile emkhatsini wenu kulesikhatsi, akabe silima, khona atewuba ngulohlakaniphile.

Lukha 18:6

INkhosi yachubeka yatsi: “Lalelani kutsi watsini lomehluleli lomubi!

Matewu 17:26

Phetro wamphendvula watsi: “Ayitsatsa ebafokatini.” Jesu wase utsi: “Ngako-ke kusho kutsi emadvodzana akhululekile ekutseleni.

2 Emakhosi 10:19

Manje-ke butsani bonkhe baphrofethi baBhali, nalabamkhontako, kanye nebaphristi bakhe, nibone kungasali ngisho namunye wabo, ngobe ngitakwenta lomkhulu umhlatjelo waBhali. Lowo loyawusala akayiwuchubeka aphila kuleli.” Kodvwa abebayenga nje, entela kubulala lababekhonta Bhali.

Matewu 12:32

Wonkhe lokhuluma kabi ngeNdvodzana yeMuntfu uyawutsetselelwa; kodvwa lokhuluma kabi ngaMoya Longcwele, angeke atsetselelwe, kuleli nakulelitako.”

Lukha 16:7

Kulomunye watsi: ‘Wena-ke ukweleda malini?’ Waphendvula watsi: ‘Nasi sikwelede, ngikweleda emasaka emmbila lalikhulu.’ Lendvuna yatsi: ‘Nali libhuku lesikwelede sakho. Hlala phansi ubhale ema-80.’

Lukha 20:35

kodvwa bantfu labayawuvuswa ekufeni baphile kulesikhatsi lesitako abatsatsani.

Taga 12:8

Umuntfu udvunyiswa ngekunakekela kwakhe; kodvwa lonenhlitiyo lembi ubukeleka phansi.