Lukha 16:4 - Siswati 1996 Bible

⁴ Sengibonile lengitawukwenta, kuze nase ngiphelelwe ngumsebenti, bangani bami bangemukele, bangihlalise emakhaya abo.’

Lukha 16:4 ပူးပေါင်းရင်းမြစ်များ

Taga 30:9

Nangingaba nako kube kunyenti, ngingahle ngicabange kutsi wena angisakudzingi, ngidzimate ngitsi: “Ngubani yena loSimakadze?” Nome-ke nangingaba luphuya, ngingahle ngebe, ngaloko ngihlazise Nkulunkulu wami.

Jeremiya 4:22

“Bantfu bami batilima, abangati. Babantfwana labangenangcondvo, abanako nekucondza. Babochwephesha ekwenteni lokubi, abakwati kwenta lokuhle.”

Lukha 16:3

Lendvuna yacabanga yatsi: ‘Inkhosi yami itangicosha emsebentini. Ngitakwente njani? Ngingeke ngikumele kuba simbamgodzi, kantsi nekucela futsi ngiyakwesaba.

Lukha 16:5

“Ngako wabita bonkhe lababekweleda lesicebi ngamunye ngamunye. Kulona wekucala watsi: ‘Uyikweleda malini inkhosi yami?’

Lukha 16:9

Jesu wachubeka watsi: “Nginitjela ngitsi: Tenteleni bangani ngemcebo wemhlaba, kuze kutsi ungaphela banemukele ekhaya laphakadze.

YaJakobe 3:15

Lokuhlakanipha akuchamuki ngetulu, kodvwa ngekwemhlaba, nekwemvelo, nekwebusathane;