Lukha 16:2 - Siswati 1996 Bible

² Sayibita lendvuna satsi: ‘Yini loku lengikuvako ngawe? Ngikhombise kutsi imphahla yami uyiphatsa kanjani, ngobe ungeke uchubeke ube yindvuna yami, nawuhamba ngalolunyawo!’

Lukha 16:2 ပူးပေါင်းရင်းမြစ်များ

Sembulo 20:12

Ngabona labafile, labakhulu nalabancane, beme embikwaso lesihlalo sebukhosi. Tincwadzi tavulwa. Nalenye incwadzi yavulwa, incwadzi yekuphila. Labafile behlulelwa ngekwemisebenti yabo, ngaloko lokwakubhalwe etincwadzini.

1 yaPhetro 4:10

Lowo nalowo lowemukele sipho semusa, akasisebentise ekukhonteni labanye njengenceku lenhle yemusa lomnyenti waNkulunkulu.

1 yaPhetro 4:5

Kepha ayawutiphendvulela kulowo losalungele kwehlulela labaphilako nalabafile.

1 kuThimothi 5:24

Tono talabanye bantfu tisebaleni, tiyabendvulela tibaholele ekwehlulelweni; kodvwa talabanye tiyabalandzela tibonakale kamuva.

Umshumayeli 12:14

Ngobe Nkulunkulu uyakuyehlulela yonkhe imisebenti lesiyentile, ngisho nalokufihlakele lesikwentako, nome kuhle nome kubi.

1 kuThimothi 4:14

Ungasivilapheli sipho sakho lowasinikwa ngelivi lesiphrofetho ngesikhatsi baholi belibandla babeka tandla etikwakho.

2 kubaseKorinthe 5:10

Ngobe sonkhe kufanele sime embikwesihlalo saKhristu sekwehlulela, kuze kutsi ngulowo nalowo atekwemukela umvuzo wakhe ngalakwentile, lokuhle nome lokubi, asekulomtimba.

1 kubaseKorinthe 4:5

Ngako-ke ningacali kwehlulela lutfo sikhatsi singakefiki, neNkhosi ingakefiki. Ngiyo leyawuveta ekukhanyeni lokufihlakele ebumnyameni, ivete ebaleni imicabango yetinhlitiyo. Lapho-ke ngulowo nalowo muntfu uyawutfola kubongwa lokuvela kuNkulunkulu.

1 kubaseKorinthe 4:2

Futsi-ke baphatsi kufuneka kutsi batfolakale betsembekile.

1 kubaseKorinthe 1:11

Loku ngikusho ngobe sengivile ngani, bazalwane bami, ngitjelwe bendlu yakaKlowe, kutsi kukhona siphitsiphitsi sekwehlukana emkhatsini wenu.

KubaseRoma 14:12

Ngako-ke, sonkhe siyawulandza ngatsi matfupha ngamunye ngamunye kuNkulunkulu.

Lukha 12:42

INkhosi yaphendvula yatsi: “Ngubani-ke losisebenti lesetsembekile nalesihlakaniphile lesiyawutfunywa kutsi sicize indlu yenkhosi kanye nekunika letinye tisebenti kudla lokutifanele nangesikhatsi lesifanele?

Lukha 12:20

Kodvwa Nkulunkulu watsi kuso: ‘Silima! Kulobusuku balamuhla umphefumulo wakho uyabitwa kuwe; pho, letintfo lesewutilungisile titawuba tabani?’

Matewu 12:36

“Kepha ngiyanitjela ngitsi: Ngelilanga lekwehlulela, bantfu bayawutilandza ngawo onkhe emagama lalite labawakhulumako.

Matewu 20:8

“Kwatsi entsambama lomniyo wesivini watsi endvuneni yakhe: ‘Bita tonkhe tisebenti, utiholele imali yato, ucale ngaleti tekugcina, ugcine ngaleti tekucala!’

Lukha 16:1

Jesu wase utsi kubafundzi bakhe: “Kwake kwaba khona indvodza leyayisicebi lesasinendvuna. Sase sitjelwe kutsi lendvuna ihlaphata imali yaso.

Lukha 16:3

Lendvuna yacabanga yatsi: ‘Inkhosi yami itangicosha emsebentini. Ngitakwente njani? Ngingeke ngikumele kuba simbamgodzi, kantsi nekucela futsi ngiyakwesaba.