Lukha 14:10 - Siswati 1996 Bible

¹⁰ Lokungenani nawumenyiwe, kuncono uhlale endzaweni lephansi, kuze kutsi lokumemile afike atsi: ‘Yenyuka, mngami, utewuhlala kunansi indzawo lencono,’ loko kutakuletsela kuhlonishwa emkhatsini walabo bebamenyiwe.

Lukha 14:10 ပူးပေါင်းရင်းမြစ်များ

Taga 15:33

Kwesaba Simakadze kufundzisa umuntfu kuhlakanipha. Nangabe umuntfu afuna kudvunyiswa, kufanele atitfobe kucala.

Isaya 60:14

Emadvodzana ebacindzeteli bakho ayawuta kuwe akhotsama, bonkhe laba labakwedzelelako bayawukhotsama etinyaweni takho, bayawukubita batsi uLidolobha laSimakadze, Siyoni waLongcwele waka-Israyeli.

Sembulo 3:9

Lalela la, labo labalisinagoge laSathane, labatsi bangemaJuda babe bangesiwo, bacala emanga, ngitawubenta bete bakhotsame etinyaweni takho, baze babone kutsi wena ngikutsandzile.

1 Samuweli 15:17

Samuweli watsi: “Nome wena utibona ungulomncane, kodvwa manje uyinhloko yetive tema-Israyeli; Simakadze wakugcoba kutsi ube yinkhosi etikwema-Israyeli.