Lukha 11:18 - Siswati 1996 Bible

¹⁸ Ngako-ke nangabe umbuso waSathane wehlukene emacembu lalwa odvwana, ungema njani? Nitsi ngikhipha emadimoni, ngobe nginikwe nguBhelzebule emandla ekwenta loko.

Lukha 11:18 ပူးပေါင်းရင်းမြစ်များ

Matewu 10:25

Ngako-ke umfundzi kufanele eneliswe kutsi ufanana nemfundzisi wakhe, nenceku kufanele yeneliswe kutsi ifanana nenkhosi yayo. Nangabe inhloko yemuti kwatsiwa nguBhelzebule, emalunga alowo muti ayawubitwa ngemagama lamabi kakhulu!”

Matewu 12:26

Ngako-ke nangabe Sathane akhipha Sathane, kusho kutsi yena yedvwa wehlukene ekhatsi. Pho, umbuso wakhe ungema njani?

Matewu 4:10

Jesu watsi kuye: “Suka, Sathane, ngobe kubhaliwe kutsi: “ ‘Ubokhonta iNkhosi, Nkulunkulu wakho, umkhotsamele yena yedvwa!’ ”

Matewu 4:24

Ludvumo ngaye lwandza nalo lonkhe laseSiriya, kangangekutsi kwaletfwa kuye bonkhe bantfu lababegula, baphetfwe tinhlobonhlobo tekufa, nalababekhatsatwe tinhlobonhlobo tetinhlupheko: lababenemadimoni, nalababenesitfutfwane, nalababefe tinhlangotsi; Jesu wabaphilisa bonkhe.

Lukha 11:15

kodvwa labanye batsi: “NguBhelzebule, inkhosi yemadimoni, lomnika emandla ekukhipha lamadimoni.”