Levithikusi 3:17 - Siswati 1996 Bible

¹⁷ Lona kutawuba ngumtsetfo wetitukulwane ngetitukulwane tenu, nome ngukuphi lapho niyawuhlala khona: kubete lodla emanoni nengati.”

Levithikusi 3:17 ပူးပေါင်းရင်းမြစ်များ

Genesisi 9:4

Intfo nje, ningayidli inyama lesenengati; loko ngikusho ngobe kuphila kusengatini.

Matewu 26:28

ngobe loku kuyingati yami yesivumelwane, lecitselwe labanyenti kube kutsetselelwa kwetono.

Dutheronomi 15:23

Kodvwa ungaboyidla ingati; uboyicitsa phansi emhlabatsini njengemanti.”

Dutheronomi 12:23

Kodvwa nibocaphela kutsi ningayidli ingati, ngobe ingati ikuphila, akufanele nidle kuphila kanye nenyama.

Levithikusi 7:23

“Khuluma esiveni sema-Israyeli utsi: ‘Ningawadli emanoni enkhomo, newemvu, newembuti.

Dutheronomi 12:16

Kodvwa kufanele ningayidli ingati; niyakuyicitsela phansi emhlabatsini njengemanti.

Levithikusi 17:7

Kufanele bangasakuphindzi kunikela imihlatjelo yabo kuletithico letisatimbuti, labaphinga nato. Loku kutawuba ngumtsetfo wetitukulwane ngetitukulwane.’

Levithikusi 6:18

Loko sekuyawuba simiso etitukulwaneni nasetitukulwaneni kutsi onkhe emadvodza ekutalwa ngu-Aroni kube ngiwo ladla kudla lokunikelwe ngemlilo kuSimakadze kutsi kube sabelo sawo. Konkhe lokukutsintsako kuyawuba ngcwele.”

Levithikusi 3:16

Umphristi utawube sewushisa konkhe loku elatini kube ngumnikelo wemlilo, liphunga lelinuka lusi lolumnandzi. Onkhe emanoni ngewaSimakadze.

Kubase-Efesu 5:26

kuze atelingcwelisa alihlambulule ngesigezo semanti, ngelivi,

Kubase-Efesu 1:7

Ngengati yaJesu sinekuhlengwa nekutsetselelwa kwetono, ngekwengcebo yemusa,

Imisebenti yebaPhostoli 15:29

Ningakudli kudla lokungcoliswe ngekunikelwa etithicweni, ningayidli ingati, ningadli lokucumbelene; nibalekele bugwadla. Niyawube nente kahle naniyigcinile lemiyalo. Salani kahle.”

Hezekeli 44:15

“ ‘Kodvwa baphristi, labangemaLevi lababatukulu baSadoki, labebayenta ngekwetsembeka imisebenti yendzawo yami lengcwele ngesikhatsi ema-Israyeli aphambuka kimi, kufanele bona basondzele batewukhonta embikwami. Kufanele beme embikwami batewunikela ngemhlatjelo wemanoni newengati, kusho iNkhosi Simakadze.

Hezekeli 33:25

“Ngako-ke khuluma kubo, utsi: ‘Naku lokushiwo yiNkhosi Simakadze, itsi: Njengobe senidla inyama lenengati, nibuke tithico tenu, nicitse ingati, kufanele yini kutsi lelive libe lenu?

Dutheronomi 32:14

Wamkhuluphalisa ngemasi nangelubisi lwemhlambi yetinkhomo netimbuti, nangemazinyane lakhuluphalisiwe etimvu netimbuti, nangetihhanca telikhetselo taseBhashani, nangetinhlavu letikhetsekile takolo. Wanatsa liwayini lelimnandzi kakhulu lelibovu.

Levithikusi 23:14

Aniyikukuluma kudla lokusha kuze kufike lelo langa lekuletsa loko kudla kuNkulunkulu wenu. Lona kuyawuba ngumkhosi leniyakuwenta titukulwane ngetitukulwane, nome kukuphi lapho niyawuhlala khona.’ ”

Levithikusi 7:36

Ngalelo langa labagcotjwa ngalo Simakadze wayala ema-Israyeli kutsi abanike loko kube tabelo tabo. Loko kwamiswa kutsi kube ngumtsetfo wetitukulwane ngetitukulwane tabo.

1 kuThimothi 4:4

Ngobe konkhe lokudalwe nguNkulunkulu kulungile. Kuko konkhe lokwemukelwa ngekubonga kute lokufanele kwaliwe,

Matewu 16:24

Jesu wakhuluma kubafundzi bakhe watsi: “Umuntfu nakafuna kungilandzela, akatidzele, etjatse siphambano sakhe, angilandzele.

Hezekeli 44:7

Ngetulu kwato tonkhe letinye tintfo tenu lenitentako letinengekako niletse betive labangakasokwa enhlitiyweni nasenyameni, nabangenisa endzaweni yami lengcwele, nangcolisa lithempeli lami ngesikhatsi ninikela kimi ngekudla, nangemanoni, nangengati, nephula sivumelwane sami.

Nehemiya 8:10

Nehemiya wakhuluma esiveni, watsi: “Hambani niye emakhaya enu niyekudla kudla kwelikhetselo netinatfo letimnandzi, niphe nalabo labangenalutfo. Leli lilanga lelingcwele kuSimakadze wetfu. Ningakhatsateki, ngobe injabulo yenu levela kuSimakadze ingemandla enu.”

Numeri 19:21

Lesi-ke simiso sabo lesiyawuhlala sentiwa titukulwane ngetitukulwane. “Lomuntfu lobafafata ngemanti ekuhlambulula kufanele naye ageze timphahla takhe tekwembatsa, nalowo lotsintsa lamanti ekuhlambulula uyawuba ngulongcolile kuze kuhlwe.

Levithikusi 16:34

Lomtsetfo kufanele ugcinwe, wentiwe titukulwane ngetitukulwane. Inhlawulo yekubuyisana kuSimakadze iyakwentiwa kanye ngemnyaka, yentelwe tonkhe tono tema-Israyeli.” Konkhe kwentiwa njengobe Simakadze abeyale Mosi.

Eksodusi 27:21

Aroni nemadvodzana akhe kufanele balinakekele lelithende lekuhlangana ngekulikhanyisa kusukela kusihlwa kuze kube ngusekuseni; lolutsi lwetibane kufanele lubekwe ngaphandle kwendvwangu lesembikwelibhokisi lesivumelwane, lapho ngikhona khona. Lomtsetfo kufanele wentiwe ngema-Israyeli titukulwane ngetitukulwane.”

Levithikusi 4:1

Simakadze wayala Mosi watsi:

Levithikusi 6:22

Loku sekuyawuba simiso setitukulwane ngetitukulwane: kutsi situkulwane sa-Aroni lesiyawukhonta singumphristi logcotjiwe esikhundleni sakhe siyawunikela ngawo. Leyo mphuphu iyawushiswa yonkhe, ibe ngumnikelo kuSimakadze.

Levithikusi 7:34

Umganga lojikitiswako nalomlente wesekudla lonikelwe kumphristi ngiwutsetse esiveni sema-Israyeli ngawunika Aroni nemadvodzana akhe kutsi kube sabelo sabo titukulwane ngetitukulwane.’ ”

Levithikusi 10:9

“Wena nemadvodzana akho aniyikulinatsa liwayini nome tjwala nome yini ledzakisanako, nanitakuya ethendeni lekuhlangana, ngobe nanike nakwenta loko, niyawufa. Lomtsetfo kufanele ugcinwe titukulwane ngetitukulwane.

Levithikusi 10:15

Umlente lonikelwe nalomganga lojikitiswako bayakuwuletsa kanye nemafutsa emnikelo lowentiwa ngemlilo lojikitiswako kube ngumnikelo wekujikitiswa kuSimakadze. Uyakuba wenu newemadvodzana enu ube sabelo senu saphakadze naphakadze, njengobe Simakadze ashito.”

Levithikusi 16:29

“Lona-ke ngumtsetfo lekufanele niwugcine titukulwane ngetitukulwane: Ngelilanga lelishumi enyangeni yesikhombisa ema-Israyeli, nebetive labasemkhatsini wenu kufanele bazile, bangadli, bangasebenti,

Levithikusi 23:21

Niyawumemetela ngalona lelo langa, nibe nemhlangano longcwele ningenti lutfo lolungumsebenti. Lowo-ke ngumyalo yonkhe indzawo leniyawuhlala kuyo titukulwane ngetitukulwane.

Levithikusi 24:3

Njalo nje entsambama Aroni utabotikhanyisa tihlale tikhanya embikwaSimakadze kuze kuse, ethendeni lekuhlangana ngaphandle kwendvwangu lesembikwelibhokisi lesivumelwane. Lomtsetfo uyawugcinwa wentiwe titukulwane ngetitukulwane.

Eksodusi 28:43

Aroni nemadvodzana akhe kufanele batifake njalo nje nabaya ethendeni lekuhlangana nome beta kutekungikhonta elatini endzaweni lengcwele, khona bangetiwubulawa ngenca yekona ngebungcunu babo. “Lona-ke ngumyalo wa-Aroni netitukulwane takhe kuze kube phakadze naphakadze.”

Levithikusi 6:15

Umphristi uyawucaphuna libinta lafulaha wakolo lobhicwe nemafutsa nemphepho yonkhe yemnikelo walokutinhlavu, akushisele elatini kube sikhumbuto, liphunga lelinuka lusi lolumnandzi kuSimakadze.

Levithikusi 19:26

“ ‘Ningayidli inyama lesenengati kuyo, ningabi tangoma nome labenta imilingo.

Levithikusi 24:9

Siyawuba sa-Aroni nesemadvodzana akhe. Bayawusidlela endzaweni lengcwele, ngobe ngusona sabelo sabo lesingcwelengcwele eminikelweni leyentiwa ngemlilo kuSimakadze, kube simiso saphakadze naphakadze.”

Dutheronomi 12:24

Kufanele ningayidli ingati; niyakuyicitsela phansi emhlabatsini njengemanti.

2 Tikhronike 29:35

Iminikelo yayiminyenti kakhulu, ikanye nemafutsa eminikelo yebudlelwane, neminikelo yesinatfo leyayihambisana neminikelo yekushiswa. Ngako inkonzo yekukhonta ethempelini laSimakadze yavuseleleka.