Levithikusi 21:9 - Siswati 1996 Bible

⁹ Nangabe indvodzakati yemphristi itingcolisa ngekugwadla, ihlazisa uyise, iyawushiswa ngemlilo ize ife.

Levithikusi 21:9 ပူးပေါင်းရင်းမြစ်များ

Genesisi 38:24

Emvakwetinyanga letintsatfu wabikelwa Juda kwatsiwa: “Thamari, malukatana wakakho ugwadlile, manje nje sewutetfwele.” Juda waphendvula watsi: “Mkhipheni, nimshise aze afe.”

Levithikusi 19:29

“ ‘Ungahlazisi indvodzakati yakho ngekuyenta ingwadla, funa live lonkhe ligcwale bugwadla nako konkhe kungcola.

kuThithusi 1:6

Umbonisi kufanele angasoleki, abe yindvodza lenemfati munye, lenebantfwana labakholwako nalabalalelako, labangakadvumi ngebubi.

Malakhi 2:3

“Ngenca yenu, ngiyakutekhuta titukulwane tenu; ngiyakuwendlala ebusweni benu lamatfumbu emihlatjelo yenu yemadzili, nani niyawususwa kanye nawo.

Hezekeli 9:6

Bulalani nicedze emadvodza lamadzala, nemajaha, netintfombi, nebafati, nebantfwana, kodvwa ningatsintsi namunye loneluphawu. Calani endlini yami lengcwele.” Ngako bacala ngebaholi lababesembikwelithempeli.

Isaya 33:14

Toni taseSiyoni tiyatfutfumela, kutfutfumela kubabambile labangamesabi Nkulunkulu: “Ngubani emkhatsini wetfu longahlala nemlilo locotfulako? Ngubani emkhatsini wetfu longahlala nekuvutsa kwaphakadze?”

1 Samuweli 2:34

“ ‘Loko lokutakwehlela emadvodzana akho, boHofni naFinehasi, kuyawuba sibonakaliso kuwe, bayakufa bobabili langa linye.

1 Samuweli 2:17

Leso sono saletinsizwa saba sikhulu kakhulu emehlweni aSimakadze, ngobe umnikelo waSimakadze abewuphatsa ngekwedzelela lokukhulu.

Joshuwa 7:25

Joshuwa watsi: “Usiletseleleni lembhubhiso? Simakadze utayiletsa kuwe imbhubhiso lamuhla.” Ngako-ke onkhe ema-Israyeli amgcoba ngematje kanye nako konkhe kwakhe, base bayakushisa-ke.

Joshuwa 7:15

Loyo loyawutfolakala analetintfo lekufanele tibhujiswe uyawubulawa ngemlilo kanye nako konkhe lokungekwakhe. Ngobe wephule sivumelwane saSimakadze, wenta intfo lelihlazo esiveni saka-Israyeli.’ ”

Levithikusi 20:14

Nangabe indvodza ishada nendvodzakati kanye nenina walendvodzakati, loko kubi. Lendvodza kanye nabo kufanele bashiswe ngemlilo, khona kungetikuba khona lokusinengiso emkhatsini wenu.

Eksodusi 31:14

Kufanele nigcine liSabatha ngobe lingcwele kini; wonkhe umuntfu longaligcini kufanele abulawe. Lowo losebenta ngalelo langa kufanele ancunywe kubantfu bami.

Dutheronomi 22:21

lendvodzakati batayitsatsa bayekuyibeka emnyango wendlu yeyise, lapho takhamiti titawufike tiyigcobele khona ngematje ize ife, ngobe ihlazise Israyeli wonkhe, ngekuvula sibaya seyise isesekhaya kubo. Niyawukukhipha kanjalo-ke lokubi lokumila emkhatsini wenu.