Levithikusi 21:13 - Siswati 1996 Bible

¹³ Uyawushada nentfombi lengazange seyilale nalomdvuna.

Levithikusi 21:13 ပူးပေါင်းရင်းမြစ်များ

Sembulo 14:4

Laba bangemadvodza langazange asatingcolise ngalabasikati, bamsulwa. Ngibo laba labalandzela liWundlu nome kukuphi lapho liya khona. Kubo bonkhe bantfu ngibo labahlengiwe, balulibo lwaNkulunkulu nelweliWundlu.

2 kubaseKorinthe 11:2

Nginesikhwele ngani, sikhwele saNkulunkulu; ngobe nganendzisa njengentfombi lengenasici, nganetfula kuKhristu, lekunguyona ndvodza yenu leyodvwana.

Hezekeli 44:22

Abakafaneli batsatse nebafelokati, nome bafati labalahliwe, bangatsatsa tintfombi tema-Israyeli ngekutalwa nome bafelokati bebaphristi.

Levithikusi 21:7

Bafanele bangayishadi ingwadla nome umfati lolahlwe yindvodza yakhe; yebo, baphristi bangcwele kuNkulunkulu wabo.

Levithikusi 21:12

akayiwusuka nekusuka endzaweni lengcwele yaNkulunkulu wakhe, nome ayihlazise, ngobe bungcwele bemgcobo wemafutsa aNkulunkulu busetikwakhe. NginguSimakadze.

Levithikusi 21:14

Akayiwushada nemfelokati nome nemfati lowehlukene nendvodza yakhe nome umfati longcoliswe bugwadla, kodvwa uyawushada nentfombi yesive sakubo lengazange ilale nalomdvuna,