Levithikusi 2:1 - Siswati 1996 Bible

¹ “Nangabe umuntfu aletsa kuSimakadze umnikelo walokutinhlavu, kufanele kube yimphuphu lecolisakele. Kufanele afake emafutsa emncumo kanye nemphepho,

Levithikusi 2:1 ပူးပေါင်းရင်းမြစ်များ

Sembulo 8:3

Lenye ingilosi yeta yema ngaselatini iphetse sitja segolide semphepho, yanikwa imphepho lenyenti kutsi iyengete iyihlanganise nemithandazo yabo bonkhe labangcwele, inikele ngayo etikwelilati legolide lelalisembikwesihlalo sebukhosi.

Isaya 66:20

Bayawuletsa bonkhe bomnakenu, babakhipha kuto tonkhe tive, babayise entsabeni yami lengcwele eJerusalema, babe ngumnikelo kuSimakadze. Bayawubetfwala ngemahhashi, nangetincola temphi, nangetinkalishi, nangeminyuzi, nangemakamela,” kusho Simakadze. “Bayawuta nabo njengema-Israyeli nakaletsa iminikelo yawo yalokutinhlavu ngetitja letihlantekile ngekwemtsetfo, ateyetfula ethempelini laSimakadze.

Levithikusi 9:17

Wanikela ngemnikelo walokutinhlavu, wacupha libinta ngesandla walishisela elatini. Phela loku kwakwentiwa ekwengeteni umnikelo wekushiswa wasekuseni.

YaJuda 1:20

Kodvwa nine, bazalwane bami, yakhanani ekukholweni lokungcwele, nikhuleke ngaMoya Longcwele.

Numeri 7:19

Umnikelo wakhe kwakulipulede lesiliva lelalinesisindvo lesasingaba yikhilogremu nencenye, nendishi yesiliva yekunyenyeta lenesisindvo lesasingemagremu labengaba ngema-800, kokubili kwaya ngekwesilinganiso lesisemtsetfweni, kokubili kwakugcwele fulaha abhicwe nemafutsa, kutsi kutewuba ngumnikelo walokutinhlavu;

1 yaJohane 2:27

Kodvwa nine ninekugcotjwa kwaMoya lokukini lenakwemukela kuKhristu; ngako-ke asikho sidzingo sekutsi ningabuye nifundziswe ngulomunye umuntfu. Lokunigcoba kwakhe kunifundzisa tonkhe tintfo, futsi kuliciniso, akusiwo emanga; njengobe kunifundzisile-ke, hlalani nikuye.

1 yaJohane 2:20

Kodvwa-ke nine nigcotjwe nguLongcwele, nonkhe ninalo lwati.

Johane 6:35

Jesu watsi kubo: “Mine ngisinkhwa sekuphila, lowo lota kimi, angeke alambe; nalowo lokholwa ngimi, angeke aphindze ome.

Malakhi 1:11

“Libito lami liyawuba likhulu etiveni kusukela ekuphumeni kwelilanga kuze kube ngusekushoneni kwalo. Kuyo yonkhe indzawo imphepho neminikelo lehlantekile iyawuletfwa kulo Libito lami, ngobe Libito lami liyawuba likhulu etiveni,” kusho Simakadze longuSomandla.

Joweli 2:14

Ngubani lowatiko? Mhlawumbe angaba nesihawu, ashiye sibusiso, bese kuba ngiminikelo yalokutinhlavu neyetinatfo yaSimakadze Nkulunkulu wenu.

Numeri 7:13

Umnikelo wakhe kwakulipulede lesiliva lelalinesisindvo lesasingaba yikhilogremu nencenye, nendishi yesiliva yekunyenyeta lenesisindvo lesasingemagremu labengaba ngema-800, kokubili kwaya ngekwesilinganiso lesisemtsetfweni, kokubili kwakugcwele fulaha abhicwe nemafutsa, kutsi kutewuba ngumnikelo walokutinhlavu;

Eksodusi 29:2

Sebentisa sinkhwa lesite imbiliso, nemipotongwane lete imbiliso lahlanganiswe nemafutsa, kanye nemacebelengwane lagcotjiswe ngemafutsa; konkhe loko kwentiwe ngemphuphu yakolo lecolisakele.

Joweli 1:9

Iminikelo yalokutinhlavu neyetinatfo seyiyekelwe endlini yaSimakadze. Baphristi sebayakhala, labo labakhonta embikwaSimakadze.

Levithikusi 5:11

“ ‘Nangabe lomuntfu angeke akhone kukhokha ematuba lamabili nome emazini lamabili elivukutfu, kufanele aletse imphuphu lengaba yikhilogremu kutsi itewuba ngumnikelo wesono. Kufanele angayifaki emafutsa emncumo nome imphepho, ngobe ingumnikelo wesono.

Numeri 8:8

Akatsatse inkunzana nemnikelo wayo walokutinhlavu kwafulaha lobhicwe nemafutsa, bese utsatsa inkunzana yesibili letawuba yemnikelo wesono.

Numeri 18:9

Itawuba ngeyenu incenye yaleminikelo lengcwelengcwele lengayiswa emlilweni. Kuto tonkhe tipho labatiletsa kimi njengeminikelo lengcwelengcwele, nome ingeyalokutinhlavu nome yesono nome yelicala, leyo ncenye lengcwele kakhulu yakho nemadvodzana akho.

Numeri 28:5

libe nemnikelo walokutinhlavu lokuyikhilogremu yinye yafulaha wakolo lobhicwe nemafutsa emncumo langaba yilitha yinye.

Numeri 29:18

Letinkunzana, naletihhanca, nalamazinyane nibokwentela iminikelo yako yalokutinhlavu neyesinatfo, njengobe kubalelwe.

Isaya 43:23

Awukatiletsi kimi timvu temnikelo wakho wekushiswa, futsi awukangihloniphi nangemihlatjelo yakho. Angikakwetfwesi umtfwalo ngeminikelo yalokutinhlavu, nome-ke ngikuhluphe ngekufuna imphepho kuwe.

Levithikusi 6:7

Umphristi uyawumentela kanjalo-ke inhlawulo yekubuyisana naSimakadze, lowo muntfu uyawutsetselelwa konkhe lakonile.”

Levithikusi 9:4

inkhomo nesihhanca kube ngumnikelo wekuthula. Kufanele kube ngumhlatjelo wenu kuSimakadze kanye nemnikelo walokutinhlavu lokubhicwe nemafutsa. Loku kufanele nikwente, ngobe Simakadze utawubonakala kini lamuhla.”

Levithikusi 14:10

“Ngelilanga lesiphohlongo kufanele aletse emazinyane emvu lamabili lamadvuna nalelisikati lelinemnyaka munye budzala, onkhe angabi nasiyela, aletse nemalitha langaba sikhombisa emphuphu lecolisakele lehlanganiswe nemafutsa kube ngumnikelo walokutinhlavu, aletse nemafutsa langaba yincenye yelitha.

Levithikusi 24:7

Etikwalolo nalolo luhlu lwato uyawubeka imphepho lengakabhicwa nalutfo, ibe sikhumbuto lesiyawumela sinkhwa lesingumnikelo lowentiwa ngemlilo kuSimakadze.

Hezekeli 46:20

yatsi: “Lena-ke yindzawo, lapho baphristi batabobilisela khona inyama yemhlatjelo welicala neyemnikelo wesono, nalapho batawubhakela khona umnikelo wafulaha, kuze kutebate nakunye lokungcwele lokuyawukhishelwa esibuyeni lesingephandle, lapho kungahle kulimate bantfu khona.”