Levithikusi 19:19 - Siswati 1996 Bible

¹⁹ “ ‘Uyawugcina imiyalo yami. Awuyiwuvuma kutsi tinkhomati takho tekhwelwe tinkunzi talolunye luhlobo. Awuyiwuhlanyela ensimini yakho tinhlobo letimbili letehlukene. Ungembatsi lutfo lolwentiwe ngetinhlobo letimbili temtiya.

Levithikusi 19:19 ပူးပေါင်းရင်းမြစ်များ

2 Samuweli 13:29

Ngako lamadvodza aka-Absalomu enta ku-Amnoni njengobe abetjelwe ngu-Absalomu. Bonkhe bantfwabenkhosi basukuma, bagibela iminyuzi yabo babaleka.

2 Samuweli 18:9

Masinyane nje Absalomu watsi ngcwamangca ahlangana nemadvodza akaDavide. Absalomu abegibele umnyuzi wakhe. Lomnyuzi watsi uphuma ngaphansi kwemagala lahlangene esihlahla sem-okhi, inhloko ya-Absalomu yahhukeka emagaleni alesihlahla sem-okhi, wasala yedvwa alenga ngenhloko kulesihlahla, umnyuzi labewugibele wona washaya wacitsa.

Ezra 2:66

Babenemahhashi langema-736, neminyuzi lengema-245,

1 Emakhosi 1:33

yakhuluma kubo yatsi: “Tsatsani tinceku tenkhosi yenu, nigibelise Solomoni, indvodzana yami, etikwemnyuzi wami, nimsingatse nehle naye, niye eGihoni.

KubaseRoma 11:6

Kukhetsa kwakhe kungemusa wakhe, hhayi ngemisebenti. Ngobe kube kukhetsa kwaNkulunkulu bekungemisebenti, ngabe lomusa wakhe awusesiwo.

Genesisi 36:24

Sibeyoni abenemadvodzana lamabili bo-Aya, na-Ana. Ngulo-Ana lowatsi eluse timbongolo teyise, Sibeyoni, watfola manzana ehlane.

Levithikusi 18:4

Hloniphani imitsetfo yami, nicaphele kulandzela timiso tami. NginguSimakadze longuNkulunkulu wenu.

Levithikusi 19:37

Nibogcina yonkhe imiyalo yami nemitsetfo yami niyilandzele. NginguSimakadze.’ ”

Levithikusi 20:8

Gcinani imitsetfo yami, niyilandzele, ngobe ngimi loningcwelisako.

Levithikusi 22:31

“Niyawugcina imiyalo yami niyente. NginguSimakadze.

Levithikusi 25:18

“ ‘Ngako-ke hambani ngetimiso tami nilalele imitsetfo yami, khona nitawuphila ngekuphepha kulelive.

Dutheronomi 4:1

“Lalelani sive sema-Israyeli imiyalo nemitsetfo lesengitanifundzisa yona. Hambani ngayo, khona nitewuphila ningene eveni nilidle, live Simakadze, Nkulunkulu wabokhokho benu, lanipha lona.

Dutheronomi 4:5

“Nginifundzise yonkhe imiyalo nemitsetfo, njengobe Simakadze Nkulunkulu wami angitfumile kutsi ngente, kuze nihambe ngayo nakulelo live leniyakungena kulo niyekulidla.

Lukha 5:36

Jesu wabatjela nankhu umfanekiso: “Kute umuntfu longadzabula sicephu sengubo lensha achibele ngaso ingubo lendzala. Nakenta njalo, utabe udzabule ingubo lensha, lesicephu lesisha singeke sivane nalengubo lendzala.