Levithikusi 13:3 - Siswati 1996 Bible

³ Lomphristi kufanele ahlolisise lelichashata lelisesikhunjeni salomuntfu. Nangabe lunwele lolukulo selugucuke lwaba mhlophe, nalo lelichashata seligubhile, kusuke sekusifo lesisabulephelo. “Nangabe umphristi asamhlolisisile, kufanele asho kutsi ungcolile ngekwemtsetfo.

Levithikusi 13:3 ပူးပေါင်းရင်းမြစ်များ

Genesisi 13:3

Wesuka eningizimu neKhenani wacocoma ngekutfutsa, waze wefika ngaseBetheli. Waphindze wesuka lapho waya endzaweni lesemkhatsini weBetheli ne-Ayi, lapho abeke wemisa khona lithende kucala,

Hezekeli 16:30

“ ‘Maye, ulihatsa bo, kusho iNkhosi Simakadze, nase wenta tonkhe letintfo, uyaye ulingise ingwadla lengatibambi ledle lubangalala!

Hezekeli 44:23

Kufanele bafundzise bantfu bami umehluko emkhatsini walokungcwele nalokungengcwele, babakhombise kwehlukanisa emkhatsini walokungcolile nalokuhlantekile ngekwemtsetfo.

Hoseya 7:9

Betive bamunya emandla akhe, kodvwa yena akakuboni loko. Timvu setiyacatsatela enhloko yakhe, kodvwa yena akakunaki loko.

Levithikusi 10:10

Kufanele nente umehluko emkhatsini walokungcwele nalokungengcwele, nemehluko emkhatsini walokuhlantekile ngekwemtsetfo nalokungcolile ngekwemtsetfo.

Levithikusi 13:10

Umphristi utamhlolisisa, nangabe kunelichashata lelimhloshana esikhunjeni sakhe lese lidzimate lagucula lunwele lwaba mhlophe, kuphindze kube nesilondza lesinebovu,

Levithikusi 13:2

“Nangabe umuntfu avuvukile nome anelidzengedla nome anelichashata lelimhlophe esikhunjeni sakhe bese kuyagucuka kuba sabulephelo kufanele aletfwe ku-Aroni, umphristi, nome kulomunye wemadvodzana akhe, longumphristi.

Levithikusi 13:20

Umphristi utamhlolisisa; nakabona kutsi ligubhile, neboya lobukulo sebumhlophe, utawumetfula ngekwemtsetfo kutsi ungcolile; kusifo lesisabulephelo lesesichume kulesibati selitfumba.

Levithikusi 13:4

Nangabe lelichashata lelisesikhunjeni sakhe limhlophe, kodvwa kubonakala kutsi alikagubhi esikhunjeni nelunwele lolukulo lungakagucuki lwaba mhlophe, umphristi utawutsatsa lomuntfu amehlukanise kulabanye emalanga lasikhombisa.

Levithikusi 13:8

Umphristi kufanele amhlolisise, nangabe lelichashata selandze nesikhumba, utametfula kutsi ungcolile; loko kusifo lesisabulephelo.

Levithikusi 14:37

Utawube sewuhlolisisa lesikhuntsa lesiselubondzeni lwalendlu, nangabe lesikhuntsa sitigojana letiluhlatana nome letibovana letibholeke kulolubondza,

Levithikusi 14:54

Lena-ke ngimitsetfo lecondzene nalokusabulephelo, netifo tesikhumba letitsatselwanako, nelukhwekhwe,

Levithikusi 14:56

nekuvuvuka, nekucubuka, nemachashata lamhlophe,

Levithikusi 5:3

“ ‘Nangabe umuntfu kwenteka angakacondzi atsintsa nome yini yemuntfu lengcolile, levamisile kumngcolisa umuntfu, unelicala laloko, nasakubonile loko lakwentile.

Hagayi 2:11

“Naku lokushiwo nguSimakadze longuSomandla, utsi: ‘Buta kubaphristi kutsi umtsetfo utsini:

Malakhi 2:7

“Ngobe tindzebe temlomo wemphristi kufanele tilondvolote lwati, emlonyeni wakhe kufanele bantfu bafune sifundziso semtsetfo wami, ngobe phela yena usitfunywa saSimakadze longuSomandla.

Matewu 16:19

Ngiyawukunika tikhiya tembuso wasezulwini; lotakubopha lapha emhlabeni kuyawube kuboshiwe nasezulwini; nako konkhe lotakukhulula lapha emhlabeni kuyawube kukhululiwe nasezulwini.”

Johane 20:23

Nome ngubani lenimtsetselela tono, utsetselelwe; kantsi futsi nome ngubani leningamtsetseleli tono, akatsetselelwa.”

Imisebenti yebaPhostoli 20:28

Ticapheleni nine kanye nemhlambi wonkhe lobekwe etandleni tenu nguMoya Longcwele, neluse libandla laNkulunkulu latitsengela lona ngengati yeNdvodzana yakhe.

KubaseRoma 7:7

Pho, siyawutsini-ke? Sitakutsi umtsetfo usono? Cha, awusiso. Kodvwa-ke sono ngabe angizange ngisati kutsi siyini kube akufikanga umtsetfo. Ngabe angizange sengati nekutsi kuyini kona kufisa kube umtsetfo awuzange usho kutsi: “Ungafisi.”

1 kuThimothi 1:20

Labanye babo nje boHumenayosi na-Alekzanda lesengibanikele kuSathane kutsi batewufundza kungamhlambalati Nkulunkulu.

2 kuThimothi 3:13

kepha lababi nebakhohlisi bayawudlanga ngebubi, bedukise, nabo bedukiswe.

KumaHebheru 13:7

Khumbulani baholi benu, lababekhuluma kini livi laNkulunkulu, nikhumbule kuphila kwabo nekufa kwabo netitselo tabo, bese niyabalingisa.

Sembulo 2:23

Bantfwabakhe ngiyawubashaya bafe. Onkhe emabandla ayawukwati kutsi nginguye lophenyisisa ingcondvo nenhlitiyo. Ngulowo nalowo emkhatsini wenu ngiyawumnika njengekwemisebenti yakhe.