KumaHebheru 13:9 - Siswati 1996 Bible

⁹ Ningedukiswa timfundziso letingatiwa letitinhlobonhlobo. Kuhle kutsi tinhlitiyo tetfu ticiniswe ngemusa, hhayi ngekugcina imitsetfo yekudla, ngobe labo labayigcinako ayibasiti ngalutfo.

KumaHebheru 13:9 ပူးပေါင်းရင်းမြစ်များ

Kubase-Efesu 4:14

Ngako-ke ngeke sisaba bantfwana, sigujuteliswe ngemagagasi, sipheshulwe ngimimoya yonkhe yetimfundziso tekukhohlisa kwebantfu labanebucili bekudukisa.

Kubase-Efesu 5:6

Ningakhohliswa ngumuntfu ngemavi lalite, ngobe ngenca yaleto tintfo lulaka lwaNkulunkulu lwehlela etikwalabangamlaleli.

KubaseRoma 14:6

Lowo lohlonipha lilanga ulihloniphela iNkhosi; nalowo lodlako udlela iNkhosi, ngobe naye ubonga kuNkulunkulu; kantsi nalowo longadli uyekelela iNkhosi, ngobe naye ubonga kuNkulunkulu.

1 yaJohane 4:1

Batsandzekako, ningabohambe nikholwa ngibo bonkhe bomoya, nibobahlola bomoya kutsi baNkulunkulu yini, ngobe banyenti baphrofethi bemanga labaphumele eveni.

Imisebenti yebaPhostoli 20:30

Emkhatsini wenu kuyawuvela bantfu labayawufundzisa lokuphambene neliciniso badvonse emakholwa lamanyenti alandzele bona.

YaJuda 1:12

Bayanonela ekudleni kwenu kwebudlelwane bate emahloni ngekumita kwabo. Babogubhela kwesabo. Banjengemafu lapheshulwa ngumoya, abe wona ate imvula. Batihlahla letingatseli titselo, ngisho nangetikhatsi tato, tihlahla letisishulwe netimphandze tato, yebo, batihlahla lese tafa.

1 kuThimothi 6:20

Ye Thimothi, londvolota loko lophatsiswe kona. Ukugege kukhuluma lokulite nekuphikisana lokutsiwa lwati kube kungesilo,

YaJuda 1:3

Batsandzekako bami, bengitimisele kutsi nginibhalele ngikhulume ngalensindziso lesihlanganyele kuyo. Kodvwa ngibone kunesidzingo lesimatima sekutsi nginibhalele nginikhutsate kutsi nilwele kukholwa lokuphiwe bantfu baNkulunkulu kwaba kanye kwenela, sonkhe tsine lesibakhe.

2 kubaseThesalonika 2:17

angadvudvuta tinhlitiyo tenu, anakhele kuyo yonkhe imisebenti lemihle nakuwo onkhe emavi lamahle.

Matewu 24:24

Ngobe kuyawuvela bokhristumbumbulu, nebaphrofethi bemanga, bente tibonakaliso letinkhulu netimangaliso, kuze kudukiswe nalabakhetsiwe nakunekwenteka.

Matewu 24:4

Jesu waphendvula watsi: “Caphelani, kutsi kubete umuntfu lonedukisako.

KubaseKholose 2:4

Loku nginitjela khona kutebate muntfu loniyenga ngetinkhulumo temanga.

2 kubaseKorinthe 1:21

NguNkulunkulu losicinisako tsine kanye nani kuKhristu. NguNkulunkulu futsi lowasigcoba,

1 kubaseKorinthe 8:8

Kepha kudla akusisondzeti kuNkulunkulu; ngobe nome singadli asilahlekelwa lutfo, nome sidla asibuyelwa lutfo.

KubaseRoma 14:17

Ngobe umbuso waNkulunkulu awusiko kudla nekunatsa, kepha ukulunga, nekuthula, nekujabula kuMoya Longcwele.

KubaseRoma 14:2

Lomunye lukholo lwakhe lumvumela kutsi angadla nome yini, kantsi lobutsakatsaka ekukholweni udla tibhidvo kuphela.

Imisebenti yebaPhostoli 20:32

Manje-ke senginibeka esandleni seNkhosi kanye nasevini lemusa wayo, yona lenemandla ekunakha inikhulise ininike lifa labo bonkhe labahlantiwe.

2 kubaseThesalonika 2:2

kutsi ningasheshi nidvungeke engcondvweni yenu, ningetfuswa ngumoya nome ngemavi, nome yincwadzi lekungatsi iphuma kitsi. Konkhe loku kunganetfusi kutsi lilanga leNkhosi selifikile.

1 kubaseKorinthe 6:13

Labanye batsi: “Kudla kwentelwe sisu, nesisu sentelwe kudla,” kodvwa Nkulunkulu uyawukubhubhisa kokubili. Umtimba awukentelwa bugwadla, nekujuma, nebuphingi, ngobe umtimba weNkhosi, neNkhosi yemtimba.

KubaseGalathiya 6:1

Bazalwane, nangabe lomunye wenu asawele esonweni, nine bakaMoya, lowo mephuleni, loko nikwente ngemoya wekutfobeka; kodvwa nawe uticaphele, ngobe ungahle ulingeke.

Tihlabelelo 112:8

Unesibindzi, angeke esabe, aze abone kujabhiswa kwetitsa takhe.

Lukha 5:38

Cha! Liwayini lelisha lifanele litselwe kuso sikhumbasikhwama lesisha.