KumaHebheru 13:4 - Siswati 1996 Bible

⁴ Umshado awuhlonishwe ngibo bonkhe; labatsetsene kufanele betsembeke lomunye kulomunye. Nkulunkulu uyawubehlulela bonkhe labagwadlako nalabaphingako.

KumaHebheru 13:4 ပူးပေါင်းရင်းမြစ်များ

Genesisi 2:24

Ngako-ke indvodza iyawushiya uyise nenina inamatsele kumfati wayo, bese baba nyamanye.

KubaseGalathiya 5:19

Phela imisebenti yenyama isebaleni, ngulena: bugwadla, nebuphingi, nekungcola, nemanyala,

KubaseGalathiya 5:21

nekuhawukela, nekudzakwa, nebudli, naletinye tintfo letifanana naleti lenganitjela ngato kucala, kutsi labo labenta letintfo bangeke balidle lifa lembuso waNkulunkulu.

1 kubaseKorinthe 6:9

Anati yini kutsi labangakalungi abayikulidla lifa lembuso waNkulunkulu? Ningayengeki: Tingwadla, nalabakhonta tithico, netiphingi, nalabadvuna labalalanako,

1 kubaseKorinthe 5:13

Kodvwa Nkulunkulu uyabehlulela labo labangephandle; nemBhalo utsi: “Mcosheni lomubi emkhatsini wenu!”

Kubase-Efesu 5:5

Nifanele nati, futsi nicondze kahle, kutsi kute umuntfu loyingwadla nome losiphingi nome longcolile, nalobukhali, lokusho kutsi ukhonta tithico, longabuye abe nelifa embusweni waKhristu naNkulunkulu.

1 kuThimothi 3:12

Umdikhoni kufanele abe yindvodza lenemfati munye, lephetse kahle bantfwabayo nemuti wayo.

1 kuThimothi 3:4

Umbonisi kufanele abe ngulophetse kahle umuti wakhe, afundzise ngekuhlonipheka konkhe kutsi bantfwabakhe batfobeke.

1 kubaseKorinthe 7:38

Ngako-ke loshada lowo letsembisene naye wenta kahle; kepha longashadi wenta kahle kakhulu.

Genesisi 2:21

Ngako-ke Nkulunkulu Simakadze wamehlisela umuntfu butfongo lobukhulu; walala. Nkulunkulu wase ukhipha lolunye lwetimbambo takhe wagcwalisa sikhala ngenyama.

Sembulo 22:15

Kepha ngephandle kunetinja, nebatsakatsi, netingwadla, netiphingi, nebabulali, nalabakhonta tithico, nabo bonkhe labatsandza kucala emanga ngekukhuluma nangetento.

kuThithusi 1:6

Umbonisi kufanele angasoleki, abe yindvodza lenemfati munye, lenebantfwana labakholwako nalabalalelako, labangakadvumi ngebubi.

1 kuThimothi 5:14

Ngifisa kutsi bafelokati labasebancane bendze, batale bantfwana, baphatse imindeni yabo, kuze sitsa singetilitfola litfuba lekunyembenya labakholwako.

1 kuThimothi 4:3

Bayawuvimbela kushada nekuteka, batsi akuzilwe kudla lokutsite. Phela konkhe kudla kwadalwa nguNkulunkulu lekufanele kutsi labakholwako bakwemukele ngekubonga, njengobe babantfu labalatiko liciniso lonkhe.

2 kubaseKorinthe 5:10

Ngobe sonkhe kufanele sime embikwesihlalo saKhristu sekwehlulela, kuze kutsi ngulowo nalowo atekwemukela umvuzo wakhe ngalakwentile, lokuhle nome lokubi, asekulomtimba.

1 kubaseKorinthe 9:5

Site yini lilungelo lekutsi lowo nalowo ahambe nemkakhe lokholwako, njengalabanye baphostoli, nabomnakabo beNkhosi, naKhefase?

Malakhi 3:5

“Ngako, ngiyawusondzela kini kutakwehlulela. Ngiyawushesha kutsi ngifakaze ngimelane netangoma, netiphingi, nabofakazi bemanga, ngimelane nalabo labadlelela tisebenti emaholo ato, labo labacindzetela bafelokati netintsandzane, bemuke betive emalungelo abo, kodvwa bangangesabi mine,” kusho Simakadze longuSomandla.

1 kuThimothi 3:2

Umbonisi kufanele kube yindvodza lengasoleki, lenemfati munye, letibambako, lezitsile, lehloniphekile, lephatsa kahle tihambi, lenemasu ekufundzisa,

Isaya 8:3

Ngabe sengiya kumphrofethikati, wase uyakhulelwa, watala indvodzana. Simakadze wakhuluma kimi, watsi: “Metse libito utsi nguMaheri Shalali Hashi Bazi.

2 Emakhosi 22:14

Hilkiya, umphristi, na-Ahikamu, na-Akbori, naShafani kanye na-Asaya bahamba bayawukhuluma naHulda, umphrofethikati, labengumkaShalumi, umsa waThikva, umsa waHahasi; Shalumi abengumphatsi wetembatfo tasethempelini. Lomphrofethikati abehlala eJerusalema eSifundzeni Sesibili.

KumaHebheru 12:16

Akubete logwadlako, nome lophingako, nome lonaka live njenga-Esawu, lowatsenga kudla ngemalungelo akhe onkhe ebutubulo.

Levithikusi 18:20

Ungalali nemkamakhelwane wakho utingcolise ngaye.

Dutheronomi 22:22

“Nangabe indvodza itfolakala ilele nemfati walenye indvodza, bobabili bayawubulawa, lendvodza nalomfati. Niyawukukhipha kanjalo-ke lokubi lokumila emkhatsini wesive saka-Israyeli.

1 kubaseKorinthe 6:18

Balekelani bugwadla nebuphingi. Tonkhe tono latentako umuntfu tingephandle kwemtimba wakhe; kodvwa logwadlako nome lophingako wona umtimba wakhe.

1 kubaseThesalonika 4:6

Akubete lowonako aphambe umzalwane wakhe nome ngani, ngobe Nkulunkulu ungumphindziseli kuto tonkhe letintfo, njengobe saniyalisisa nje.

Levithikusi 15:18

Nangabe indvodza ilele nemfati kwase kuchitseka sidvodza, bobabili bafanele bageze imitimba yabo ngemanti, babe ngulabangcolile kuze kuhlwe.’ ”

Jobe 31:12

Lowo ngumlilo loshisa kube khona imbhubhiso, ngabe kusizuphunile sivuno sami sonkhe.