KubaseRoma 9:22 - Siswati 1996 Bible

²² Loku akusiko yini Nkulunkulu labefuna kukwenta? Nome abefuna kubonakalisa lulaka lwakhe nekwatisa emandla akhe, noko watimela ngekubeketela lokukhulu titja telulaka lwakhe letatimiselwe kubhujiswa.

KubaseRoma 9:22 ပူးပေါင်းရင်းမြစ်များ

Genesisi 15:16

Lesitukulwane siyawuphindze sibuye lapha sesingesesine, ngobe bubi ba-Amori abukapheli.”

Tihlabelelo 90:11

Ngubani lowati emandla entfukutselo yakho, yebo, nelulaka lwakho, kuze akwesabe ngalokufanele?

Eksodusi 9:16

Kodvwa noko kuze kube manje ngisakuphephisile, khona ngitekukhombisa emandla ami, nekutsi libito lami litewudvunyiswa emhlabeni wonkhe.

Taga 16:4

Konkhe Simakadze lakwentile kunesiphetfo sako, ngisho nalomubi umentele lilanga lakhe lekubhujiswa.

Sililo 3:22

Ngenca yelutsandvo lolukhulu lwaSimakadze asikadliwa sacedvwa, ngobe sihawu sakhe singeke siphele.

Numeri 14:11

Simakadze wakhuluma kuMosi, watsi: “Labantfu batawuchubeka nekungedzelela kuze kube ngunini? Batakwala kukholwa ngimi kuze kube ngunini, etikwaletibonakaliso temimangaliso lengitente kubo?

Numeri 14:18

‘Simakadze uyephuta kutfukutsela andze ngemusa, atsetselele sono nekuhlubuka. Noko lonelicala akamshiyi angakamjezisi; yena ujezisa bantfwana ngesono saboyise situkulwane sesitsatfu nesesine.’

KubaseRoma 1:18

Lulaka lwaNkulunkulu lubonakala luphuma ezulwini lwehlela etikwako konkhe kungamesabi Nkulunkulu nekungalungi kwebantfu labavimba liciniso ngekungalungi kwabo.

KubaseRoma 9:17

Ngobe umBhalo utsi kuFaro: “Ngikuvusele kona loko kutsi ngikhombise emandla ami kuwe, kuze libito lami libatjatwe emhlabeni wonkhe.”

KubaseRoma 9:20

Kodvwa-ke wena muntfu-ndzini, ungubani kutsi ungaphikisana naNkulunkulu? Ludziwo lungasho yini kumbumbi walo kutsi: “Wangibumbelani kanje?”

KubaseRoma 9:21

Empeleni, umbumbi ute yini lilungelo lekusebentisa libumba ngekutsandza kwakhe, nekutsi ente titja letimbili ngasinye sigadla selibumba, lesinye setikhatsi letitsite, lesinye sekusetjentiswa nje nome kunini?

1 kubaseThesalonika 2:16

Adzimate asivimbela nekutsi sishumayele insindziso kubetive. Ngaloko-ke imihla nemalanga atengetela tono. Kodvwa ekugcineni lulaka lwaNkulunkulu seluze lwabehlela.

1 kubaseThesalonika 5:9

Ngobe Nkulunkulu akasimiselanga kwehlelwa lulaka lwakhe, kodvwa wasimisela kutsi sitfole insindziso ngeNkhosi yetfu Jesu Khristu,

2 kuThimothi 2:20

Endlini lenkhulu akuhlali titja tegolide netesiliva kuphela, kodvwa kukhona netelugodvo, netelibumba. Letinye tihloniphekile, letinye tekusetjentiswa nje nome kunini.

1 yaPhetro 2:8

Kulenye indzawo utsi: “Leli litje leliyawukhuba bantfu, lidvwala lekubawisa.” Nembala bayakhutjwa labo labangalilaleli livi; vele bamiselwe kona loko.

1 yaPhetro 3:20

Labo-ke ngulabo lekwatsi endvulo bala kulalela Nkulunkulu ngesikhatsi Nkulunkulu abalindzele ngekubeketela ngemalanga ekwakhiwa kwemkhumbi waNowa. Bantfu labambalwa, lababesiphohlongo, bangena kulomkhumbi basindza emantini.

2 yaPhetro 2:3

Ngenca yebudli babo bayawutsengiselana ngani ngemavi ebucili. Kusukela emandvulweni kulahlwa kwabo akulibali, nekubhujiswa kwabo akweteli.

2 yaPhetro 2:9

INkhosi iyakwati kubakhulula ekulingweni labo labesaba Nkulunkulu; kodvwa labangakalungi ibagcinela kujeziswa ngelilanga lekwehlulelwa,

2 yaPhetro 3:15

Kubeketela kweNkhosi nibokutsatsa ngekutsi kunentela ematfuba ekusindziswa, njengobe nemzalwane wetfu lotsandzekako longuPawula anibhalele ngekuhlakanipha laphiwe kona.

YaJuda 1:4

Ngobe kukhona labangene ngekunyelela ebandleni. ImiBhalo kadze yasho ngalabo bantfu kutsi bamiselwe kubhujiswa kwaphakadze. Abamesabi Nkulunkulu; sebaguculele umusa wakhe bawenta siyalu sebugwadla nebuphingi, baphika Jesu Khristu, iNkhosi yetfu, lekunguye yedvwa uMbusi.