KubaseRoma 15:13 - Siswati 1996 Bible

¹³ Shangatsi Nkulunkulu, longumtfombo welitsemba, anganigcwalisa ngako konkhe kujabula nekuthula ekukholweni, kuze niphuphume etsembeni ngemandla aMoya Longcwele.

KubaseRoma 15:13 ပူးပေါင်းရင်းမြစ်များ

Isaya 55:12

Nine niyawuphuma ngenjabulo nichubekele embili ngekuthula, tintsaba nemagcuma kuyawuhlokoma kuhlabele ingoma imbikwenu, kutsi tonkhe tihlahla tesiganga tishaye tandla tato.

Jeremiya 14:8

Awu, Tsemba la-Israyeli, Msindzisi wakhe ngetikhatsi telusizi, wentelani kuba njengemfokati eveni, nanjengesihambi lesihlala busuku bunye nje?

Joweli 3:16

Simakadze utawubhodla aseSiyoni, abhavumule eJerusalema, umhlaba nesibhakabhaka kutfutfumele. Kodvwa Simakadze utawuba siphephelo esiveni sakhe, abe yinqaba yesive saka-Israyeli.

Johane 14:1

“Inhlitiyo yenu ingakhatsateki, kholwani nguNkulunkulu nikholwe nangimi.

Johane 14:27

“Nginishiya nekuthula. Lokuthula lenginipha kona akufanani nesipho selive. Tinhlitiyo tenu tingabokhatsateka futsi tingesabi.

KubaseRoma 12:12

Tfokotani etsembeni, nibeketele elusizini, nicinisele njalo emthandazweni.

KubaseRoma 14:17

Ngobe umbuso waNkulunkulu awusiko kudla nekunatsa, kepha ukulunga, nekuthula, nekujabula kuMoya Longcwele.

KubaseRoma 15:19

abesebenta ngemandla etibonakaliso netimangaliso, nangemandla aMoya Longcwele. Ngako-ke, ngacala eJerusalema ngahamba ngijikeleta ngaze ngefika nangase-Ilirikhu ngihamba ngishumayela liVangeli laKhristu kuto tonkhe tindzawo.

KubaseRoma 15:5

Shangatsi Nkulunkulu, longumtfombo wekubeketela newekucinisela, anganinika kuphilelana ngekuthula lomunye kulomunye ngekwentsandvo yaKhristu Jesu,

1 kubaseKorinthe 2:4

Kukhuluma kwami nekushumayela kwami akuzange kube ngemavi ekuhlakanipha lokuhunganako, kodvwa kwaba sibonakaliso saMoya nesemandla.

2 kubaseKorinthe 9:8

Nkulunkulu unawo emandla ekuninika konkhe lenikudzingako, nangetulu kwako, kuze kutsi ngaso sonkhe sikhatsi nibe nako kube kunyenti, nitekwati kusita emisebentini yonkhe lemihle.

KubaseGalathiya 5:22

Kodvwa titselo taMoya nguleti: lutsandvo, nekujabula, nekuthula, nekubeketela, nebubele, nekulunga, nekwetsembeka,

Kubase-Efesu 1:2

Akube kini umusa nekuthula lokuvela kuNkulunkulu longuBabe wetfu, nakuJesu Khristu iNkhosi.

1 kubaseThesalonika 1:5

Ngobe liVangeli lesanishumayela lona alifikanga kini ngemavi kuphela, kodvwa lefika ngemandla, nangaMoya Longcwele, seneliseka kutsi inshumayelo yetfu iliciniso. Niyati kutsi sasitiphatsa kanjani ngesikhatsi sisemkhatsini wenu. Konkhe loko sasikwenta ngenca yenu.

1 kuThimothi 1:1

Lencwadzi iphuma kuPawula, umphostoli waKhristu Jesu ngekutfunywa nguNkulunkulu, uMsindzisi wetfu, naKhristu Jesu lolitsemba letfu.

KumaHebheru 6:11

Sifisa shangatsi ngulowo nalowo kini angakhombisa loko kushisekela, nekuciniseka etsembeni lenu, kuze kube ngusekugcineni.

1 yaPhetro 1:8

Niyamtsandza, nome ningazange senimbone; niyakholwa kuye nome ningakamboni, futsi nitfokota ngenjabulo lengenawuchazeka ngemavi emlomo,

1 Samuweli 1:18

Hana watsi: “Shangatsi incekukati yakho ingemukeleka emehlweni akho.” Wabe sewuyahamba wayakudla, nebuso bakhe abuzange buphindze bubonakale bujabhile.