KubaseRoma 12:20 - Siswati 1996 Bible

²⁰ Cha, “nangabe sitsa sakho silambile, siphe kudla, nangabe somile, sinatsise; ngobe ngekwenta njalo utawube umtsela ngemahloni ekutisola.”

KubaseRoma 12:20 ပူးပေါင်းရင်းမြစ်များ

Genesisi 42:25

Josefa wayala kutsi bagcwaliselwe kudla emasakeni abo, nemali yalowo nalowo wabo ibuyiselwe esakeni lakhe, banikwe nemiphako yeluhambo lwabo. Konkhe loko kwentiwa.

2 Emakhosi 6:22

Elisha wayiphendvula, watsi: “Ungababulali. Ungababulala yini bantfu lobatfumbe ngenkemba yakho nangebutjoki bakho? Baphe kudla nemanti, kuze badle besutse banatse, bese babuyela enkhosini yabo.”

Tihlabelelo 120:4

Niyawujeziswa ngemicibisholo lekhaliphako yemphi; nijeziswe nangemlilo wemalahle embondvo.

Tihlabelelo 140:10

Shangatsi emalahle labovu lavutsako angatfululelwa etikwabo, bajikijelwe emgodzini loshonako, bangaphindzi baphume.

Matewu 5:44

Kodvwa mine ngitsi kini: Tsandzani titsa tenu, nibakhulekele labanitingelela kunihlupha,

Lukha 6:27

“Kodvwa anginitjele naku, nine leningilalele: Tsandzani titsa tenu, niphatse kahle labo labanitondzako!

KubaseRoma 12:21

Ningehlulwa ngulokubi, kodvwa yehlulani lokubi ngalokuhle.

1 Samuweli 26:21

Sawula wakhuluma watsi: “Ngonile. Buya, Davide, ndvodzana yami. Ngingeke ngiphindze ngetame kukulimata, ngobe imphilo yami uyisindzisile lamuhla. Impela ngibe silima, ngona kakhulu.”