KubaseKholose 2:8 - Siswati 1996 Bible

⁸ Caphelani-ke kutsi kubete lonitfumba ngekuhlakanipha, nangekukhohlisa lokulite, aniyenge ngemikhuba yebantfu nangetimfundziso temimoya yemvelo emkhatsini. Konkhe loko kuphambene nendlela yaKhristu.

KubaseKholose 2:8 ပူးပေါင်းရင်းမြစ်များ

1 kuThimothi 6:20

Ye Thimothi, londvolota loko lophatsiswe kona. Ukugege kukhuluma lokulite nekuphikisana lokutsiwa lwati kube kungesilo,

Kubase-Efesu 5:6

Ningakhohliswa ngumuntfu ngemavi lalite, ngobe ngenca yaleto tintfo lulaka lwaNkulunkulu lwehlela etikwalabangamlaleli.

Matewu 7:15

“Caphelani baphrofethi bemanga, labeta kini banjengetimvu ngaphandle, kodvwa ngekhatsi banjengetimphisi letibukhali.

KubaseGalathiya 4:9

kodvwa nyalo seniyamati Nkulunkulu, ngetulu kwaloko senatiwa nguNkulunkulu, kwentiwa yini kutsi nifune kuncandzeka, niye kulemimoya yemvelo lebutsakatsaka nalengasiti lutfo? Niyatsandza yini kutsi iphindze inigcilate?

KubaseKholose 2:20

Nangabe nafa kanye naKhristu nakhululwa etimfundzisweni temimoya yemvelo emkhatsini, nentiwa yini kutsi niphile kungatsi nisebantfu baseveni? Nititfobelelani timfundziso tekutsi:

2 kuThimothi 3:13

kepha lababi nebakhohlisi bayawudlanga ngebubi, bedukise, nabo bedukiswe.

Jeremiya 29:8

Yebo, nguloko lokushiwo nguSimakadze longuSomandla, Nkulunkulu wema-Israyeli, utsi: ‘Ningavumi kuyengwa baphrofethi nalabaphengulako labasemkhatsini wenu. Ningalaleli lamaphupho lenibakhutsata kutsi babe nawo.

2 yaPhetro 3:17

Kodvwa nine, batsandzekako, seniyakwati loku. Ngako-ke, caphelani, kuze ningedukiswa ngemaphutsa alabangenamtsetfo, bese niyawa ekucineni kwenu.

KumaHebheru 13:9

Ningedukiswa timfundziso letingatiwa letitinhlobonhlobo. Kuhle kutsi tinhlitiyo tetfu ticiniswe ngemusa, hhayi ngekugcina imitsetfo yekudla, ngobe labo labayigcinako ayibasiti ngalutfo.

2 yaJohane 1:8

Ticapheleni nine, kuze ningalahlekelwa nguloko lesikusebentele, kodvwa nemukeliswe umvuzo wenu lophelele.

KubaseGalathiya 4:3

Kunjalo-ke nakitsi, ngesikhatsi sisebantfwana sasigcilatwe ngimimoya yemvelo.

2 kubaseKorinthe 10:5

Tibhidlita konkhe lokuphakamele kuvimbela kwati Nkulunkulu. Titfumba yonkhe imicabango, tiyente itfobele kulalela Khristu.

KubaseKholose 2:18

Akubete umuntfu lonilahla ngelicala, atsandza kutenta lotfobile, akhonte tingilosi, alibele ngimibono yakhe, atikhukhumeta ngelite engcondvweni yakhe.

1 yaPhetro 1:18

Nati kutsi nahlengwa ngani ekuhambeni kwenu lokwakulite, lenakunikwa bokhokho. Anihlengwanga ngetintfo letigugako njengesiliva negolide;

KubaseRoma 16:17

Ngiyanincenga, bazalwane bami, kutsi nicaphele labo lababanga kwehlukana netikhubekiso, baphambane nemfundziso lenayemukela; labo bagegeni.

Kubase-Efesu 4:20

Kepha nine anizange nimfundze Khristu kanjalo,

KubaseGalathiya 1:14

Ngachubeka ngekwenkholo yebuJuda, ngabendlula labanyenti lababebontsanga yetfu esiveni sakitsi ngishisekela kakhulu kugcina timfundziso tabokhokho.

KubaseFiliphi 3:2

Caphelani tinja, nicaphele tisebenti tebubi, nicaphele bekusika umtimba.

Dutheronomi 6:12

nicaphele kutsi ningamkhohlwa Simakadze lowanikhipha eGibhithe, eveni lebugcili.

Matewu 16:6

Jesu watsi kubo: “Nibocaphela, ningangenwa yimbiliso yebaFarisi nebaSadusi!”

Matewu 10:17

Kepha nicaphele bantfu, ngobe bayawunibopha banifake etinkantolo, banibhambabule emasinagogeni abo.

KubaseKholose 2:22

Konkhe loku kusho tintfo letiphelako natisetjentiswa, yimiyalo netimfundziso tebantfu nje.

Kubase-Efesu 2:2

lebenikadze nihamba kuto ngekwendlela yalomhlaba, ngekwembusi wemandla emkhatsi, umoya losasebenta kubantfu labangalaleli Nkulunkulu.

Imisebenti yebaPhostoli 17:18

Letinye tati letitsite tema-Ephikhuri nemaStoyiki taphikisana naye. Letinye tatsi: “Lesibhungayeti setama kutsini?” Letinye tatsi: “Shangatsi ushumayela ngabonkulunkulu labangatiwa.” Takusho loku ngobe Pawula abeshumayela ngaJesu nangekuvuka kwalabafile.

Imisebenti yebaPhostoli 17:32

Kwatsi nabamuva akhuluma ngekuvuka kulabafile, labanye bamhleka bulima, kepha labanye batsi: “Sitawubuye sikuve nawukhuluma ngaloko.”

Ingoma Yetingoma 2:15

Sibambeleni timphungutja, timphungutja letincane, ngobe ngito letibhubhisa tivini, yebo, tivini tetfu letibhahelako.

1 kubaseKorinthe 8:9

Nibocaphela kodvwa, funa lelilungelo lenu libe sikhubekiso kulababutsakatsaka.

1 kubaseKorinthe 10:12

Ngako-ke lotsi umile, akacaphele kutsi angawi.

KubaseGalathiya 5:15

Kodvwa nanilumana nidlane nodvwana, nibocaphela kutsi ningacedzani.

KubaseKholose 2:23

Tibonakala shangatsi tinekuhlakanipha, tineminako yetinkholo tabo, nekutitfobambumbulu, nekuhlupha umtimba, kepha tite lusito macondzana nekutitsiba etinkhanukweni tenyama.

KumaHebheru 3:12

Caphelani-ke, bazalwane, kutsi kubete emkhatsini wenu lonenhlitiyo lembi nalengakholwa, longahle ahlubuke loNkulunkulu lophilako.