Joshuwa 7:2 - Siswati 1996 Bible

² Joshuwa wabe sewutfumela emadvodza aseseJerikho kutsi aye e-Ayi, lesedvute neBhethi Aveni, emphumalanga neBetheli, wabatjela watsi: “Yenyukani niyewuhlola lelive.” Ngako lamadvodza enyuka ayawuhlola i-Ayi.

Joshuwa 7:2 ပူးပေါင်းရင်းမြစ်များ

Joshuwa 18:12

Noko sive sakaManase asizange sikhone kuwadla laNgasenyakatho umnyele wawusuka eJordane, wendlule ngaseceleni laseJerikho lelingasenyakatfo, ucondze enshonalanga, eveni letintsaba, wendlule uye ehlane laseBhethi Aveni.

Hoseya 4:15

“Awu Israyeli, nome sewuphinga kangaka nje, ningamenti Juda abe nelicala naye. “Ningayi eGilgali; ningayi eBhethi Aveni. Ningafungi futsi nitsi: ‘Kuphila kwaSimakadze!’

1 Samuweli 14:23

Ngako Simakadze wawasindzisa kanjalo ema-Israyeli ngalelo langa, imphi yachubeka eBhethi Aveni.

1 Samuweli 13:5

EmaFilisti nawo ahlangana ayakulwa na-Israyeli, aba netincola letatiti-3 000 nebagibeli bemahhashi lababeti-6 000, nemabutfo labemanyenti angangesihlabatsi saselwandle. Enyuka ayawumisa eMikmashi, emphumalanga neBhethi Aveni.

Matewu 10:16

“Lalelani! Nginitfuma njengetimvu emkhatsini wetimphisi. Ngako-ke hlakaniphani njengetinyoka, nibete bucili njengematuba.

Taga 24:6

Ubotsatsa umyalo lohlakaniphile, nawuphuma imphi; kuncoba kusekubeni nebeluleki labalungile labanyenti.

Taga 20:18

Yenta tinhloso takho ngekutfola teluleko letilungile; ungacali uhlasele emphini ungenamasu.

Genesisi 12:8

Wesuka waya etintsabeni tangasemphumalanga neBetheli, wafike wemisa lithende lakhe khona; iBetheli beyingasenshonalanga, i-Ayi beyingasemphumalanga. Nakhona lapho wafike wakhela Simakadze lilati; wakhuleka kuSimakadze.

Kubase-Efesu 5:15

Ngako-ke caphelani kutsi nitiphatsa njani. Ningatiphatsisi kwebantfu labangakahlakaniphi, kepha njengalabahlakaniphile.

Nehemiya 11:31

Titukulwane takaBhenjamini kusukela eGeba tatihlala eMikmashi, nase-Ayija, eBetheli nasetabelweni tayo,

Joshuwa 12:9

inkhosi yaseJerikho yaba yinye, inkhosi yase-Ayi, eceleni kweBetheli, yaba yinye,

Joshuwa 2:1

Joshuwa, umsa waNuni, wase utfumela tinhloli letimbili ngasense kusuka eShithimu, watsi: “Hambani niyewuhlola lela live, ikakhulu lidolobha laseJerikho.” Ngako-ke tahamba tefika khona, tangenisa endlini kaRahabi, ingwadla, tahlala khona.

Genesisi 28:19

Lendzawo wayetsa libito watsi yiBetheli, kodvwa ekucaleni lelidolobha lalibitwa ngekutsi yiLuzi.

Joshuwa 7:3

Kwatsi nasebabuyile, befika kuJoshuwa batsi: “Asikho sidzingo sekutsi bonkhe bantfu benyuke kuyakulwa ne-Ayi. Tfumela emadvodza lati-2 000 nome lati-3 000 kuyakuyidla, ungabakhatsati bonkhe bantfu ngekuya khona, ngobe bambalwa bantfu labakuleyo ndzawo.”

1 Samuweli 30:27

Wasitfumela kulabo lababeseBetheli, naseRamothi yaseningizimu, naseJathiri;

Jeremiya 49:3

“Khala, wena Heshboni, ngobe i-Ayi ibhujisiwe! Khalani nimemete, nine lenihlala eRabha! Yembatsani emasaka nilile, gijimani lapha nalapha ekhatsi emitsangaleni, ngobe Moloki utawuyiswa ekudzingisweni, yena kanye nebaphristi bakhe netiphatsimandla takhe.

1 Emakhosi 12:29

Lelinye litfole walimisa eBetheli, lelinye walimisa kaDani.

Isaya 10:28

Ema-Asiriya angena e-Aya, adzabula eMigroni, alondvolota imphahla yawo eMikmashi.