Joshuwa 6:20 - Siswati 1996 Bible

²⁰ Atsi kube emacilongo akhale kakhulu, sive sonkhe samemeta kakhulu. Satsi kube sive sonkhe sive kukhala kwelicilongo, samemeta, lubondza lwelidolobha lwahhihlikela phansi; ngako nguleyo naleyo ndvodza yangena yacondza ekhatsi, balidla lidolobha.

Joshuwa 6:20 ပူးပေါင်းရင်းမြစ်များ

2 Tikhronike 13:15

kwatsi emadvodza akaJuda amemeta kutsi kuhlaselwe. Kwatsi kuloko kumemeta kwabo Nkulunkulu wacosha Jerobowamu nawo onkhe ema-Israyeli abalekela Abiya nemaJuda.

Zefaniya 1:16

lilanga lelicilongo nelekuhlaba inyandzaleyo yekumelana nemadolobha latinqaba neyekumelana nemibhoshongo yemakona.

KumaHebheru 11:30

Ngekukholwa lubondza lwaseJerikho lwabhidlika, ema-Israyeli asatitungelete emalanga lasikhombisa.

Joshuwa 6:5

Nitawutsi ningeva bawashaya badvonsa sikhatsi lesidze, bonkhe bantfu bamemete kakhulukati; lubondza lwalelidolobha lutakuwa, bantfu bese bangena ngekhatsi, ngulowo nalowo lapho angakhona khona.”

1 Samuweli 4:5

Latsi libhokisi lesivumelwane saSimakadze nalifika enkambu, onkhe ema-Israyeli aphakamisa ludvumo amemeta ngemsindvo lomkhulu kangangekutsi kwadzimate kwatamatama umhlaba.