Joshuwa 23:14 - Siswati 1996 Bible

¹⁴ “Manje sengitawuhamba ngendlela yemhlaba wonkhe, ngitakufa. Nani niyati ngenhlitiyo yenu yonkhe nangemphefumulo wenu wonkhe kutsi kute nome sinye setsembiso lesingazange sifezeke kuto tonkhe letetsembiso letinhle Simakadze Nkulunkulu wenu laninike tona. Tonkhe tetsembiso takhe tifezekile; kute nasinye lesingazange sifezeke.

Joshuwa 23:14 ပူးပေါင်းရင်းမြစ်များ

Lukha 21:33

Lizulu nemhlaba kuyawushabalala, kodvwa emavi ami ngeke endlule.”

1 Emakhosi 2:2

wakhuluma kuye watsi: “Sengitakufa njengebantfu bonkhe. Ngako cina, utibonakalise uyindvodza,

Umshumayeli 9:10

Wonkhe umsebenti losetandleni takho wente ngemandla akho onkhe, ngobe ethuneni lapho uya khona, kute kusebenta, nekucabanga, nelwati kanye nekuhlakanipha.

Numeri 23:19

Nkulunkulu akasiye umuntfu kutsi angacala emanga, futsi akasiyo indvodzana yemuntfu legucukako engcondvweni yayo. Uyakhuluma yini angabe asenta? Uyetsembisa yini angabe asasifeza setsembiso sakhe?

1 Emakhosi 8:56

“Ludvumo alube kuSimakadze, lonikete kuphumula nekuthula esiveni sakhe, ema-Israyeli, njengobe asetsembisa. Kute nalinye livi lelisilele kuto tonkhe tetsembiso takhe letinhle latetsembisa ngenceku yakhe, Mosi.

1 Samuweli 3:19

Simakadze waba naSamuweli asakhula, wangete wavumela ngisho nalinye livi lakhe kutsi liwele phansi.

Umshumayeli 12:5

ngesikhatsi bantfu besaba konkhe lokuphakeme, kanye netingoti tasetitaladini, ngesikhatsi tihlahla te-alimondi setichakaza, nentsetse itotoba endleleni yayo, nenkhabunkhabu iphela. Umuntfu uya ekhaya lakhe laphakadze, labalilako bazulazula etitaladini.

Eksodusi 3:8

Ngako-ke sengehlile kutebakhulula esandleni semaGibhithe nekubakhipha eveni laseGibhithe, ngibayise eveni lelibanti nalelivundzile, lelinelubisi neluju lwetinyosi. Lelive liyindzawo yemaKhenani, nemaHethi, nema-Amori, nemaPheresi, nemaHivi, nemaJebhusi.

KumaHebheru 9:27

Bantfu bamiselwe kutsi bafe kanye, bese kutsi emvakwaloko bayekwehlulelwa.

Jobe 30:23

Ngiyati kutsi uyawungehlisela phansi kulabafile, endzaweni lemiselwe bonkhe labaphilako.

Hezekeli 20:28

Nangibafikisa eveni lengafunga kutsi ngitalinika bona, benelela kufika kulo, babona tonkhe tintsaba letiphakeme netihlahla letimacembe ato avoshokile, base besuka banikelela khona imihlatjelo yabo, benta iminikelo leyangicunula mine ngase ngiyatfukutsela, betfula imphepho yabo letsaphukako, batfulula iminikelo yabo yetinatfo.

Genesisi 47:29

Watsi nasatakufa, wabita indvodzana yakhe Josefa, watsi kuyo: “Nangemukeleka kuwe, beka sandla sakho ngaphansi kwelitsanga lami, wetsembise ngesifungo kimi kutsi ungeke ungingcwabe lapha eGibhithe.