Joshuwa 20:8 - Siswati 1996 Bible

⁸ Ngasemphumalanga kweJordane ngesheya kweJerikho ehlane, esibebesini setintsaba, bakhetsa iBheseri, esiveni sakaRubeni, neRamothi kulakaGileyadi, esiveni sakaGadi, neGolani kulaseBhashani, esiveni sakaManase.

Joshuwa 20:8 ပူးပေါင်းရင်းမြစ်များ

1 Emakhosi 22:6

Ngako inkhosi yaka-Israyeli yase ibutsela ndzawonye baphrofethi lababengaba ngema-400, emadvodza odvwa, yababuta yatsi: “Ngingaya yini kuyawuhlasela iRamothi Gileyadi, nome ngiyekele?” Baphendvula batsi: “Hamba, ngobe Simakadze utayinikela etandleni tenkhosi.”

2 Emakhosi 8:28

Ahaziya wahamba naJoramu, umsa wa-Ahabi, bayakulwa naHazayeli, inkhosi yaseSiriya, eRamothi Gileyadi. EmaSiriya amlimata Joramu,

1 Tikhronike 6:78

Esiveni sakaRubeni ngesheya kweJordane emphumalanga neJerikho babelwa iBheseri ehlane, neJahasa,

1 Tikhronike 6:80

Esiveni sakaGadi babelwa iRamothi kulakaGileyadi, neMahanayimu,

Dutheronomi 3:10

“Salidla lonkhe live laka-Ogi, inkhosi yaseBhashani: emadolobha lasentsabeni, netifundza takaGileyadi naseBhashani, kuze kuyewufika emadolobheni aseSalekha nase-Edreyi lekungemadolobha embuso wa-Ogi eBhashani.”

Dutheronomi 4:43

Lamadolobha bekuyiBheseri, ehlane letintsaba, yona yaba yebakaRubeni, neRamothi kulaseGileyadi, yona yaba yebakaGadi, iGolani leseBhashani, yona yaba yebakaManase.

Joshuwa 20:7

Ngako base bakhetsa iKhedeshi yaseGalile eveni letintsaba kulakaNaftali, neShekhemu, eveni letintsaba kulaka-Efrayimu, neKhiriyathi Abha, lekuyiHebroni, eveni letintsaba kulakaJuda.

Joshuwa 20:9

Nakwenteka um-Israyeli nome wetive lohlala emkhatsini wabo abulala lomunye umuntfu ngesiphosiso angakacondzi, abengabalekela kulamadolobha lakhetsiwe, angabe asabulawa ngulomphindziseli, losihlobo sengati salowo lambulele, licala lakhe lisengakatekwa ebandla.

Joshuwa 21:27

Lusendvo ngelusendvo lwemaLevi langemaGeshoni nawo abelwa: Kulencenye yesive sakaManase anikwa iGolani yaseBhashani, lidolobha lekukhosela kwalowo lonelicala lekubulala, neBhe Eshtera, akanye nemadlelo awo; kwaba ngemadolobha lamabili.

Joshuwa 21:36

Esiveni sakaRubeni anikwa iBheseri, neJahasi,

Joshuwa 21:38

Esiveni sakaGadi anikwa iRamothi leyayiseGileyadi, lidolobha lekukhosela kwalowo lonelicala lekubulala, neMahanayimu,